Pandemıa bastalǵaly beri álemdegi jáne Qazaqstandaǵy jaǵdaı ońaı emes ekendigin bárimiz kórip otyrmyz. Memleket basshysy Q.K.Toqaev Joldaýda densaýlyq saqtaý júıesiniń tıimdiligin arttyrýǵa úlken basymdyq berdi. Osy oraıda elimizde koronavırýstyń aldyn alý jáne emdeý boıynsha keshendi sharalar qolǵa alynatyn bolady.
Prezıdent atap kórsetkendeı, Qazaqstan vaksına jasaǵan birneshe eldiń qatarynda. Bul bizdiń medısına jáne bıoınjenerıa salasyndaǵy ǵalymdardyń áleýetin kórsetti. İndettiń aldyn alý úshin ekpe salýdyń mańyzy zor. Bul rette Almaty qalasynda aýqymdy sharalar qolǵa alynyp, vaksınalaý keshendi túrde iske asyrylýda.
Pandemıa aıasynda ekonomıkanyń damýy toqtamaý kerek. Búkil densaýlyq saqtaý salasy turaqty ekpe salý júıesine daıyndalýy qajet.
Sonymen qatar, elimizdiń bıologıalyq qaýipsizdigin boljaýmen aınalysatyn ulttyq júıe qurylatyn bolady. Bul tıisti zańmen Parlamenttiń qazirgi sesıasynyń sońyna deıin qabyldanýy kerek. Taǵy bir mańyzdy maqsat – zerthanalardyń halyqaralyq standarttarǵa sáıkes jaraqtandyrylýyna Memleket basshysy úlken kóńil bóldi. Pandemıa saldarynan ysyrylǵan josparly emdeý men ota jasaý prosesterin jáne skrınıngti aldaǵy ýaqytta toqtatýǵa bolmaıtyny aıtyldy.
Elimizdiń medısınalyq qaýipsizdigin qamtamasyz etý úshin otandyq farmasevtıkanyń damýyna serpin beriletin bolady. Dári-dármek pen medısınalyq qurylǵylardyń úles salmaǵyn 17%-dan 2025 jyly 50%-ǵa jetkizý boıynsha úlken ári mańyzdy maqsat belgilendi.
Sondaı-aq, densaýlyqty saqtaý jáne ımýnıtetti kúsheıtý arnasynda buqaralyq jáne balalar sportyn damytýǵa kóńil bólinetin bolady.
Joldaý medısına júıesiniń damýyn arttyrýdy jáne halyq densaýlyǵyn qamtamasyz etýdi kúsheıteri anyq.