Megapolıstegi halyqtyń mobıldiligi - negizgi máselelerdiń biri.
Qala joldarynyń ótkizý qabiletin arttyrý jónindegi sharalardy iske asyrýǵa qaramastan, bul sektordaǵy problemalar áli de tolyq sheshilmeıdi. Olardy túbegeıli sheshý úshin basqa da tıimdi tásilder, jańa kózqarastar men serpindi jobalar qajet boldy. Bizdiń oıymyzsha, kólik qańqasynyń ıdeıasy men jobasy serpindi bolyp tabylady. Kólik qańqasynyń negizgi bólikteri LRT jáne BRT úshin dálizder (magıstraldyq joldar), qala shekarasyndaǵy úsh kólik toraby bolyp tabylady.
Bul rette halyqtyń qoǵamdyq kólikke qoljetimdiligin aıtarlyqtaı jaqsartý, kútý ýaqytyn qysqartý, jyldamdyq pen jaılylyqty arttyrý, jol júrý qunyn tómendetý josparlanýda. Ekologıalyq jaǵdaıdy jaqsartý da qarastyrylǵan. Jobany iske asyrý qozǵalystyń barlyq qatysýshylarynyń jáne búkil halyqtyń qaýipsizdigin edáýir arttyrýy tıis.
Jobaǵa qoldaý bildire otyryp, kelip túsken basqa da tilektermen qatar, qala bıligi men joba avtorlarynan kólik aǵyndarynyń qarqyndylyǵy men quramyn durys baǵalaýǵa jáne kólik qańqasyna kiretin magıstraldyq jáne júrdek joldarda tıisti materıaldary bar jol tósemderiniń berik konstrýksıalaryn qoldanýǵa, sondaı-aq aýa-raıynyń klımattyq áserin durys esepke alýǵa erekshe nazar aýdarýdy suraımyz.