Qyzylorda qalasy prokýratýrasymen júrgizilgen taldaý nátıjesinde qala ákimdigi tarapynan habarlama jibermeı jol jóndeý jumystarynyń bastalǵany anyqtaldy, dep habarlaıdy aqshamnews.kz
Qurylys-montajdaý jumystaryn júrgizý bastalǵanǵa deıin tapsyrys berýshi memlekettik sáýlet-qurylys baqylaýyn júzege asyratyn organdarǵa «Ruqsattar jáne habarlamalar týraly» Zańda belgilengen tártippen qurylys-montajdaý jumystaryn júrgizý jónindegi qyzmetti júzege asyrýdyń bastalǵany týraly habar berýge mindetti («Qazaqstan Respýblıkasyndaǵy sáýlet, qala qurylysy jáne qurylys qyzmeti týraly» Zańnyń 68-baby 12-tarmaǵy).
Alaıda qala ákimdigimen Qyzylorda oblysynyń baqylaý jónindegi basqarmasyna tıisti habarlama bermesten 4 kóshege jóndeý jumystary bastalǵan.
Prokýrorlyq qadaǵalaý aktisin qaraý nátıjesinde laýazymdy tulǵalar Ákimshilik quqyq buzýshylyq týraly kodekstiń 463-babynyń 1-bóligimen kináli dep tanylyp 25 AEK mólsherinde ákimshilik aıyppul salyndy.