Prezıdent One Water samıtine qatysý úshin Saýd Arabıasyna jumys saparymen keldi. Halyqaralyq forým Qazaqstan men Fransıanyń tóraǵalyǵymen, Saýd Arabıasy jáne Dúnıejúzilik bank tobynyń qoldaýymen ótedi, dep habarlaıdy aqshamnews.kz
One Water samıti Birikken Ulttar Uıymynyń Shóleıttenýge qarsy kúres jónindegi konvensıasynyń (UNCCD) 16-shy taraptar konferensıasynyń (COP16) aıasynda uıymdastyrylady. Samıt Qazaqstan men Fransıanyń tóraǵalyǵymen, sondaı-aq Saýd Arabıasy men Dúnıejúzilik banktiń qoldaýymen ótedi.
Samıttiń basty maqsaty – Turaqty damý maqsattarynyń 6-shy tarmaǵy (taza sý jáne sanıtarıa) boıynsha áreketterdi jedeldetý jáne 2026 jyly ótetin kelesi BUU Sý konferensıasyna daıyndyq barysynda ınovasıalyq sheshimderdi damytý boldy. İs-shara barysynda transshekaralyq yntymaqtastyqty nyǵaıtý, tehnıkalyq sheshimderdi zertteý jáne sý sektoryndaǵy jahandyq qarjylandyrý tapshylyǵyn joıý joldary talqylanady.
One Water samıti memleketter, halyqaralyq uıymdar, jergilikti bılik organdary, damý jáne jeke bankter, bıznes, fılantroptar, ǵylymı sarapshylar, úkimettik emes uıymdar men azamattyq qoǵam arasyndaǵy seriktestikterdi yntalandyrý arqyly sý máselelerin sheshýge baǵyttalǵan jobalardy keńeıtýge umtylady.
Bul samıt sý resýrstaryn basqarýdaǵy jahandyq yntymaqtastyqty kúsheıtýge jáne sýǵa baılanysty máselelerdi sheshýde naqty nátıjelerge qol jetkizýge yqpal etedi.
akorda.kz