Avtojol qurylysynyń árbir baǵyty úshin oqý baǵdarlamasyn daıyndaýda.
"Qazjol" ǵylymı-zertteý ınstıtýtynyń mamandary avtojol qurylysyn joǵary oqý oryndarynda oqytý máselesimen aınalysyp jatyr, dep habarlaıdy Almaty-akshamy.kz Inbusiness.kz silteme jasap.
Qazirgi tańda "QazjolǴZI" sarapshylary bul sala boıynsha ázirlenip jatqan jańa zań jobasyna óz usynystaryn engizgen. Oǵan sáıkes avtojol mamandary óz biliktilikterin arttyrýǵa mindetti bolady.
"Biz jol salasy mamandarynyń biliktiligin arttyrý mindetin zańnamalyq deńgeıde bekitýdi qalaımyz. Daıyndalyp jatqan zań jobasyna tıisti usynystar engizildi. Damyǵan elderde kompanıa qyzmetkerleriniń biliktiligi olardyń bedeline, reıtıńine jáne basqa da faktorlarǵa áser etedi. Qazaqstanǵa da osyndaı júıe qajet", - deıdi "QazjolǴZI" AQ prezıdenti Arman Álibaeva.
Aqparatqa sáıkes, ǵylymı ınstıtýt elimizdiń joǵary oqý oryndarymen birqatar memorandýmǵa qol qoıdy. "QazjolǴZI" arqyly qazaqstandyq stýdentter naqty zerthanalar men ýchaskelerde tájirıbe jınaı alady. Sonymen qatar mamandar avtojol qurylysynyń árbir baǵyty úshin oqý baǵdarlamasyn daıyndaýda.
Jol salasyna qatysty máseleler "Kaztraffic-2022" 18-shi halyqaralyq kórmesi aıasynda ótip jatqan "Jol qurylysyndaǵy jańa tehnologıalar" konferensıasy barysynda talqylandy.