Bul shara 2007 jyldan bastap ótkizilip keledi.
Ulttyq akademıalyq kitaphanada «Bir el - bir kitap» aksıasy qorytyndylandy, dep habarlaıdy Almaty-akshamy.kz QazAqparatqa silteme jasap.
Bıyl respýblıkalyq aksıanyń basty taqyryby retinde memleket qaıratkeri, ǵalym, aqyn, pýblısıs, aǵartýshy jáne reformator Ahmet Baıtursynulynyń ǵylymı jáne ádebı shyǵarmashylyǵy jarıalanǵan. Osylaısha, kelesi baǵyttar boıynsha zertteý júrdi:
- «Ahmet Baıtursynulynyń ǵylymı murasy»
2.«Ahmet Baıtursynulynyń ádebı shyǵarmalary»
3.«Ahmet Baıtursynulynyń qanatty sózderi men sóz tirkesteri»
- «Qazirgi ǵylymdaǵy Baıtursyntaný».
Al, 2023 jyly «Bir el – bir kitap» aksıasyna Tólen Ábdiktiń shyǵarmalaryn oqý bekitildi.
Sonymen qatar, balalarǵa arnalǵan bólim ashý qarastyrylyp otyr. Sebebi, balalar ádebıetin de oqý mańyzǵa ıe.
Shara sońynda Kókshetaý oblystyq «El-jastar» teatry Alash zıalylary men Ahmet Baıtursynulynyń qasiretti taǵdyryn kórsetetin kórinisti sahnalady.
Aıta keteıik, «Bir el – bir kitap» respýblıkalyq aksıasy 2007 jyldan bastap Qazaqstan Respýblıkasynyń Ulttyq akademıalyq kitaphanasy bazasynda ótkizilip keledi. Mindeti – qazaq ádebıetin dáripteý, qoǵamnyń kitap oqýǵa degen qyzyǵýshylyǵyn arttyrý, sondaı-aq óskeleń urpaqtyń zıatkerlik-rýhanı damýyna yqpal etý.