Mamandar tekserý jumystaryn júrgizip jatyr.
Almaty polısıasy № 87 jáne № 66 mektepke bomba qoıylǵany týraly aqparatty tekserip jatyr», - dep habarlaıdy Almaty-akshamy.kz QazAqparatqa silteme jasap. .
Almaty qalalyq Polısıa departamentiniń resmı ókili Saltanat Ázirbektiń aıtýynsha, oqıǵa ornynda mamandar jumys istep jatyr.
«Mundaı habarlamalarǵa alǵashqy den qoıý aıasynda qazir qalanyń jedel jáne tótenshe jaǵdaılar qyzmeti tekserý jumystaryn júrgizip jatyr. Azamattardan túsinikpen qaraýdy suraımyz», - dedi Almaty qalalyq Polısıa departamentiniń resmı ókili Saltanat Ázirbek.
Aıta keteıik, 23 qarasha kúni Talǵar qalasynda №3 orta mektepke jarylǵysh zat qoıylǵany týraly habarlamadan keıin ǵımarattan 1100 adam evakýasıalanǵan edi.
Almaty oblystyq Polısıa departamentiniń málimdeýinshe, belgisiz bireý mekteptiń elektrondy poshtasyna bilim ordasyna jarylǵysh zat qoıylǵandyǵy týraly habarlama joldaǵan.