Almatyda asfáltbeton qospasyn paıdalanyp joldardy jamaý merziminen buryn bastalady
Qala turǵyndarynyń jol qaýipsizdigi jónindegi ótinishine oraı, Almaty ákimdigi asfáltbeton zaýytynyń jumysyn merziminen buryn iske qosýǵa muryndyq boldy, dep habarlaıdy Almaty-akshamy.kz.
Almaty qalalyq mobıldilik basqarmasy, «Asfáltbeton-1» zaýyty men joldardy jóndeýge mamandanǵan kompanıalar ózara is-qımyl týraly memorandýmǵa qol qoıdy. Qujatqa sáıkes, asfáltbeton zaýyty jyl saıyn júrgiziletin josparly profılaktıkalyq jumystan keıin birden iske kiristi.
Aqaýlardyń anyqtalǵanyna qaraı jóndeý jumystary qalanyń barlyq aýdanynda júrgiziledi. Shuńqyrlar (joldarǵa tolyqqandy ortasha jóndeý júrgizilgenge deıingi ýaqytsha shara) magıstraldarda da, aýdandyq mańyzy bar kóshelerde de jóndeýden ótedi. Bıznestiń áleýmettik jaýapkershiligi aıasyndaǵy jumystarǵa 5 kompanıa kirisedi.
Jyl saıynǵy negizgi jol-jóndeý jumystary qolaıly aýa raıynda (kóktemniń aıaǵy men jazdyń basynan bastap) bastalady.
2023 jyly uzyndyǵy 200 km bolatyn 220 kóshege ortasha jóndeý júrgizý josparlanǵan. 180 myń sharshy metrden astam jol aǵymdaǵy jóndeýden ótedi.