Asylqulov 2021 jyly Qazaqstan chempıony atanǵan
Qazaqstandyq boksshy Orazbek Asylqulov Bolgarıanyń Sofıa qalasynda ótip jatqan «Strandj» halyqaralyq týrnırinde alǵashqy jekpe-jegin ótkizdi, dep habarlaıdy Almaty-akshamy.kz QazAqparatqa silteme jasap.
1/16 fınalda 57 kelige deıingi salmaqtaǵy O.Asylqulov ırlandıalyq Djýd Gallahermen judyryqtasyp, tóreshilerdiń ártúrli sheshimimen jeńiske jetti. Aıta keteıik, birinshi raýndta tóreshilerdiń basym bóligi jeńisti Irlandıa boksshysyna berdi.
Osylaısha, Orazbek Asylqulov jarystyń kelesi kezeńine ótip, onda Lýıs Olıveıra (Brazılıa) - Djamal Harvı (AQSH) jekpe-jeginiń jeńimpazymen kezdesetin bolady, dep jazdy Sports.kz portaly.
Asylqulov 2021 jyly Qazaqstan chempıony atanǵan. «Strandjdaǵy» alǵashqy qarsylasy - Irlandıa chempıony Djýd Gallaher, ol - Dostastyq oıyndarynyń altyn jáne jastar arasyndaǵy álem chempıonatynyń qola júldegeri.