Degýler 15-ke jýyq túrli dybys shyǵara alady
Almaty haıýanattar baǵynyń málimetinshe, degý – erekshe tıinniń bir túri. Bul janýar basqa tıinder sıaqty asa tanymal emes, dep habarlaıdy Almaty-akshamy.kz.
Zoobaq óziniń Instagram-daǵy paraqshasynda degý atty kemirgishti kórsetti. Onyń túr-túsi de birden kózge túse bermeıdi.
"Degýdiń taǵy bir basqa ataýy – Chılı tıini. Degýlar negizinen Ońtústik Amerakany mekendeıdi. Kóbine qorek izdep aýylsharýashylyq jerlerine, egistik alqaptarǵa shabýyl jasaıdy. Sondyqtan olar fermerlerdiń jumysyna edáýir shyǵyn keltiredi. Bul kemirgishterdiń 8 ótkir tisi bar. Negizinen kúndiz belsendi tirshilik etedi. Olar dúnıege kelgende tisteri appaq bolady, keıin ýaqyt óte kele qońyr túske aýysady", - delingen Almaty haıýanattar baǵynyń Instagram-daǵy paraqshasynda.
Degýler 15-ke jýyq túrli dybys shyǵara alady. Olardyń daýysy sol sáttegi kóńil-kúılerine, minez-qulyqtaryna baılanysty qubylyp turady.
Posmotret etý pýblıkasıý v Instagram