Almaty oblysynyń avtojoldarynda jyl basynan beri 171 jol-kólik oqıǵasy bolyp, 31 adam qaza tapty.
213 turǵyn túrli dárejedegi dene jaraqatyn aldy. Ókinishke qaraı, jol apatynan japa shekkenderdiń 21-i – kámeletke jasy tolmaǵan balalar. Júrgizýshiler arasynda ishimdik iship kólik tizgindeý, jyldamdyqty shamadan tys arttyrý, joldyń qarsy betine shyǵyp ketý sıaqty zańsyzdyqtar azaımaı tur, dep habarlaıdy Almaty-akshamy.kz 24.kz-ke silteme jasap.
Qonaev qalasynyń kóshelerine 53 «Sergek» kamerasy ornatylǵan. Kún saıyn 7 avtopatrýl marshrýtqa shyǵady. Oblys ortalǵynda sońǵy eki aıdyń ishinde jol júrý erejesin buzǵandarǵa 2 mln teńgeden astam aıyppul salynǵan.
«Jol-patrýldik polısıa qyzmetkerlerimen 24815 ákimshilik hattama toltyryldy. Atap aıtsaq, onyń ishinde 130 adam mas kúıinde avtokóligin basqarǵany úshin, jaıaý júrginshiler jáne basqa da jol qozǵalysyna qatysýshylardyń jol qozǵalysy erejelerin buzǵany úshin 2770 hattama toltyryldy. Almaty oblysynyń Polısıa departamenti sizderden joldarda óte muqıat bolýdy suraıdy», - deıdi oblystyq PD jergilikti polısıa qyzmeti basqarmasynyń bastyǵy Murat Qalıasqarov.