Buıryq 9 naýryzdan bastap kúshine enedi.
Ǵylym jáne joǵary bilim mınıstri 2024 jylǵy 20 aqpandaǵy buıryǵymen Qazaqstan respýblıkasynyń prezıdenti belgilegen stıpendıalardy taǵaıyndaý erejesine ózgerister engizdi.
Stıpendıa stýdentter men magıstranttardyń mynadaı sanattaryna taǵaıyndalady:
respýblıkalyq jáne halyqaralyq olımpıadalardyń, shyǵarmashylyq konkýrstardyń, sporttyq jarystardyń, festıváldardyń jeńimpazdary nemese jańalyqtar, ónertabystar avtorlary;
ǵylymı eńbek jınaqtarynda, respýblıkalyq jáne halyqaralyq ǵylymı jýrnaldarda jarıalanymdary bar;
tabystary dıplomdarmen, gramotalarmen, sertıfıkattarmen, kýáliktermen rastalǵan ǵylymı-zertteý jumystarymen belsendi aınalysatyndar;
joǵary jáne joǵary oqý ornynan keıingi bilim berý uıymdarynyń qoǵamdyq, mádenı jáne sporttyq ómirine belsene aralasatyndar.
Stıpendıa taǵaıyndaý kezinde jetim jáne ata-anasynyń qamqorlyǵynsyz qalǵan balalarǵa, bala kezinen múgedektigi bar adamdarǵa, múgedektigi bar balalarǵa basymdyq beriledi.
Stıpendıa ǵylymı keńestiń sheshimi negizinde joǵary jáne joǵary oqý ornynan keıingi bilim berý uıymdarynyń rektorynyń buıryǵymen iske asyrylady.