Jolaýshylarǵa 270 myńnan asa oryn usynylady.
QTJ Pavlodar, Shymkent jáne Qyzylordadan Alakólge deıin birjolǵy poıyzdardy uıymdastyrý máselesin qarastyrýǵa daıyn, dep habarlaıdy Almaty-akshamy.kz "Qazaqstan temir joly" kompanıasynyń baspasóz qyzmetine silteme jasap.
Bıyl jaz mezgilinde Alakól baǵytynda qatynaıtyn poıyzdarda 270 myńnan astam oryn usynylady. QTJ sońǵy jyldary kól baǵytyndaǵy poıyz saparlaryna suranys artyp kele jatqanyn atap ótti. Byltyr Alakólge temirjol kóligimen 254 myń jolaýshy tasymaldanǵan. Bul kórsetkish 2020 jylǵy deńgeıden eki ese ósti.
"Aldaǵy jazda poıyzdarda usynylǵan oryndardyń sany 16 myńǵa artyp, 270 myńnan asady", - delingen habarlamada.
Jolaýshylarǵa yńǵaıly bolý úshin Astana, Almaty, Shyǵys Qazaqstan jáne Abaı oblystarynan 11 marshrýt Alakól baǵytynda júredi. Kýrorttyq aımaqqa jiberiletin poıyzdar quramyna negizinen aýa baptaǵyshtary bar jyljymaly quramdar kiredi.
Aıaldamalar týrıser úshin eń tanymal oryndarda – Jalańashkól, Aqshı, Beskól stansıalarynda qarastyrylǵan.
"Týrısik maýsymnyń qyzǵan shaǵynda Jalańashkól stansıasynyń vokzalynda jolaýshylar aǵyny táýligine 800 jýyq jolaýshyny, Aqshı – táýligine 550-ge jýyq jolaýshyny, Beskól – táýligine 220-ǵa jýyq jolaýshyny quraıdy. Jolaýshylar aǵynynyń ulǵaıýyn eskere otyryp, stansıalardyń vokzalynda jolaýshylardyń jaıly jáne qaýipsiz bolýy úshin jaǵdaı jasalady", - dedi kompanıa ókilderi.