Ol bolashaq mamandyqty tańdaý barysynda jastardy qoldaýǵa baǵyttalǵan.
Qosymsha jastarǵa respýblıkanyń oqý oryndary, memlekettik jáne basqa da granttyq baǵdarlamalar týraly tolyq aqparat alýǵa, sondaı-aq óńirlerdegi bos jumys oryndary týraly aqparat alýǵa múmkindik beredi, dep habarlaıdy Almaty-akshamy.kz
Azamattyq bastamalardy qoldaý ortalyǵynda «Kásiptik baǵdar berýge, jastardy eńbek naryǵynyń qajettilikteri týraly aqparattandyrýǵa baǵyttalǵan is-sharalardy júzege asyrý» jobasy tanystyryldy.
Qazaqstan Stýdentter alánsynyń prezıdenti İlıas Tústikbaevtyń aıtýynsha, granttyq joba aıasynda elimizde alǵash ret talapkerlerge qajetti aqparat jınalǵan qosymsha paıda bolady.
«Bizge talapkerler tarapynan JOO, kolej saıttaryna shaǵymdar kóp keledi. Jastar ózderine qajetti aqparatty taba almaıtyndyǵyn, keıbir saıttardyń qurylymy óte kúrdeli ekendigin aıtady. Osyny eskerip, biz bıyl jańa qosymshany ázirleýdi uıǵardyq. Onda elimizdiń joǵary oqý oryndary, kolejderi, memlekettik jáne basqa da bilim berý granttary, stıpendıalar, sondaı-aq, aımaqtardaǵy bos jumys oryndary týraly aqparat usynylady. Qosymshany ázirleý maqsatynda biz «Atameken» UKP, QR Bilim jáne ǵylym mınıstrligi, ýnıversıtetter, kolejder, bilim basqarmalary, óńirlerdiń jumyspen qamtý ortalyqtarynyń mamandaryn jumysqa tartýdy josparlap otyrmyz. Bizdiń qosymshamyz joǵary synyp oqýshylaryna bolashaq mamandyǵyn, oqý ornyn tańdaýǵa kómektesedi dep oılaımyz», - dep atap ótti İlıas Tústikbaev .
Jańa qosymsha memlekettik jáne orys tilderinde qoljetimdi bolady. Jobany uıymdastyrýshylar ony aldaǵy bir-eki aı ishinde iske qosýdy josparlap otyr.
Aıta keteıik, «Kásiptik baǵdar berýge, jastardy eńbek naryǵynyń qajettilikteri týraly aqparattandyrýǵa baǵyttalǵan is-sharalardy júzege asyrý» jobasy 2022 jyldyń sońyna deıin jalǵasady.