Olar óz belsendilikterin tanytty.
Almaty qalasynda ornalasqan 5571 áskerı bólimniń jaýyngerleri , Donorlar kúnin uıymdastyryp, qan tapsyrdy, dep habarlaıdy Almaty-akshamy.kz.
Áskerı bóliminiń ulandary qala turǵyndarynyń qaýipsizdigi men tynyshtyǵyn qorǵap,qoǵamdyq tártipti ǵana qamtamasyz etip qoımaıdy, olar qoǵam ómirindegi ózekti de áleýmettik máselelerge de óz úlesterin qosyp, turǵyndardyń ómirlerin saqtaýǵa da qolushyn sozyp turady. Sondaı is-sharalar barysynda 5571 áserı bólimniń jaýyngerleri Otan qorǵaýshylar kúni men Uly Jeńis merekesine oraı, Almaty qalalyq Qan ortalyǵymen birlesip, Donorlar kúnin uıymdastyryp, qan tapsyrdy. Qan tapsyryp, ózgege ómir syılaýdy ózderiniń azamattyq boryshtarynyń bir parazy ǵana emes, qaıyrymdylyq jasaýdaǵy eń saýapty isterdiń biri sanaıtyn jaýyngerler Qalalyq qan ortalyǵynyń bastamasyna biraýyzdan qoldaý bildirip, qan tapsyrýda óz belsendilikterin tanytty.
«Bul áskerı bólimniń jaýyngerleri aldyn ala kelisilgen josaparlarǵa sáıkes, Donorlar kúnin jıi uıymdastyryp turady. Otan qorǵaýshylar kúni men Uly Jeńis merekesi qarsańynda bólim basshylary taǵyda bastama kóterip, qan tapsyrýǵa nıet bildirgen bolatyn. Ortalyqtyń basshylyǵy men qan jınaqtaý boıynsha uıymdastyrylǵan kóshpeli toby 5571 áskerı bólimniń jaýyngerleriniń bastamasyn qýana qabyldady».– deıdi Ortalyqtyń Donorlardy jınaqtaý bóliminiń nasıhat jáne uıymdastyrý bóliminiń jetekshi mamany Kúlásh Nasredınova.
Otan qorǵaýshylar kúni men Jeńis merekesin osyndaı qaıyrymlyq sharalarymen atap ótýdi jón kórgen jaýyngerler men áskerı qyzmetkerler úshin ózderi tapsyrǵan qannyń aýrýhanalardaǵy aýyr halde jatqan naýqastar men jazataıym jazymǵa ushyrap, qan qajet bolyp jatqan adamdarǵa járdemi tıse, bizge odan ótken olja joq .
«Óıtkeni, bizdiń qoǵamnyń basty baılyǵy deni saý, on eki múshesi saý adam»,– deıdi osy qaıyrymdylyq sharasyn uıymdastyrýǵa uıytqy bola bilgen bólim komandıri Baqdáýlet Ospanbekov.
Almaty qalalyq Qan ortalyǵynyń dırektory Jandos Nadırov jaýyngerlerdi belsendilikpen qan tapsyrýǵa jumyldyra bilgen bólim komandıri Baqdaáýlet Ospanbekovke, bólimniń sanıtarlyq nusqaýshylary Kúlshat Ahynova men Farıda Mangatavaǵa alǵys bildirdi.
