22 jasar jigit 11-qabattaǵy páterge zańsyz kirip, altyn buıymdardy urlap ketti degen kúdikpen ustaldy.
Almaty polıseıleri qylmystyq áreketi erekshe 22 jasar jas jigitti ustady, dep habarlaıdy Almaty-akshamy.kz.
İshki ister mınıstrliginiń resmı saıtyndaǵy málimet boıynsha, kóbinese jas jigit bóten adamdardyń úılerine tereze arqyly enedi, bul páterler úılerdiń joǵarǵy qabattarynda ornalasady.
«Bizdiń bólimsheniń krımınaldyq polısıa qyzmetkerleri 1999 jyly týǵan K. esimdi azamatty ustady. Qylmystardyń jasalý ádisine qaraǵanda, jigit osyǵan uqsas birneshe urlyqqa qatysy bolýy múmkin. Onyń sońǵy epızody Navoı kóshesinde ornalasqan turǵyn úı keshenderiniń birinde boldy. Ol tereze jaqtaýyn qysyp alý arqyly ǵımarattyń 11-qabatyndaǵy páterge zańsyz kirgen jáne sol jerden jasyryn túrde iri kólemdegi altyn buıymdardy urlap ketken. Qazir biz onyń terezeden qalaı urlyq jasaǵanyn jáne bul qylmystardy qanshalyqty jıi jasaǵanyn anyqtap jatyrmyz. Aıtpaqshy, kúdikti buryndary QR QK-niń 188-baby boıynsha jaýapqa tartylǵan», – dep habarlady Bostandyq aýdandyq PB bastyǵy Batýr Abdýmasarov.
