Ejelgi adamdar qara mysyqty mystan áıel beınesin jamylǵan janýar dep sengen. Tipti, baqsylar ózderiniń rıtýaldarynda dál osy mysyqtardyń mıyn paıdalanǵan degen derekter de bar. Aldyńdy qara mysyq kesip ótse, sol kúni jolyń bolmaıdy degen uǵym da erteden qalyptasqan syńaıly.
Al búginde qara mysyqqa qurmetpen qaraıtyndar da az emes eken. Máselen, keıbir elderde spektákl bastalar kezde kórermen zalynda kenetten qara mysyq paıda bolsa, onda sol kúngi qoıylym óte sátti, tabysty ótedi degen uǵym bar eken.
Anglıanyń keı óńirlerinde úılený toıy kezinde qalyńdyqqa tabys jáne baqyt ákeledi degen yrymmen qara mysyq syıǵa usynylady. Al qara mysyqtyń júniniń arasynan tapqan jalǵyz tal aq qylyn esh jerin mysyqqa tyrnatpaı sátti julyp alǵan adamnyń baılyǵy asyp tógilip, uzaq ta baqytty ǵumyr súredi-mis.
Sondyqtan qara mysyqtan anaý aıtqandaı qoryqpasaq ta bolady eken.
Ázirlegen Nur JAMAL.