Búgin "Aýyl" halyqtyq-demokratıalyq patrıottyq partıasynyń respýblıkalyq qoǵamdyq shtabynyń otyrysy ótip, onda Qazaqstan Respýblıkasynyń Prezıdenttigine kandıdat Jıgýlı Daırabaevtyń úgit-nasıhat naýqanynyń barysy talqylandy. İs-sharaǵa partıanyń óńirlik fılıaldarynyń, óńirlik shtabtardyń basshylary men músheleri qatysty.
"Aýyl" partıasy úgit-nasıhat naýqany aıasynda elimizdiń barlyq 20 óńirin qamtyǵany atap ótildi. Olar barlyq 88 qalada jáne 166 aýyldyq jerde úgit-nasıhat sharalaryn uıymdastyrady. Óńirlik shtabtar 2 500-den astam is-sharany qamtıtyn úgit-nasıhat josparyn ázirlese, onyń 70% - y ótkizildi. Shtabtar saılaý kúni úshin senim bildirilgen adamdar men baqylaýshylardy daıarlaý boıynsha jumys júrgizýde.
Úgit-nasıhat naýqany áleýmettik jelilerde de, BAQ-da da belsendi júrgizilýde. "Aýyl" partıasynyń paraqshasynda saılaý aldyndaǵy úgitti ótkizý barysy týraly 343 jarıalanym shyqty. BAQ-da 3000-nan astam materıal, onyń ishinde kandıdattyń "Egemen Qazaqstan" jáne "Kazahstanskaıa pravda" respýblıkalyq gazetine bergen suhbaty jaryq kórdi. Jalpy, "Aýyl" partıasynan kandıdat Jıgýlı Daırabaevtyń qyzmetin jarıalaý boıynsha belsendi jumys jalǵasatyn bolady.
Búginde Jıgýlı Daırabaev bastaǵan top ókilderi Jambyl, Túrkistan, Qyzylorda, Aqtóbe, Aqmola, Qaraǵandy, Pavlodar, Jetisý, Almaty, SHQO, Abaı oblysynyń, sonymen qatar Astan, Almaty, Shymkent qalasynyń saılaýshylarmen kezdesti. Al kandıdattyń senimdi ókilderi – "Aýyl" partıasy Tóraǵasynyń orynbasarlary Qaırat Aıtýganov pen Nıkolaı Arsútın Qostanaı jáne Soltústik Qazaqstan oblysynda saılaýshylarmen kezdesýde. Jıgýlı Daırabaev agroónerkásiptiń óndiristik ortalyqtaryna baryp, olardyń qyzmetimen tanysty, jumysshy ujymdarymen suhbattasty. Sonymen qatar, ol ár aımaqtyń turǵyndarymen kezdesip, óziniń saılaýaldy baǵdarlamasynyń negizgi baǵyttaryn baıandap, saılaýshylardyń suraqtaryna jaýap berdi. Kandıdat kelesi aptada Atyraý, Batys Qazaqstan jáne Mańǵystaý oblysynyń saılaýshylarymen kezdesýdi josparlap otyr.