Ómir súrýge úmit syılady
Qaraqat Ábdenniń saılaýaldy shtabynyń músheleri Transfýzıologıa ǵylymı óndiristik ortalyǵynda qan tapsyryp, donor atandy.
İs-sharaǵa qatysqan shtab músheleri 10 000 mıllılıtrge jýyq qan tapsyrdy. Donorlyq qan aýyr naýqastardy emdeýde jáne shuǵyl medısınalyq kómek kórsetý kezinde asa qajet.Transfýzıolog-mamandardyń aıtýynsha, ár donordan 450 ml. qan alynady. Bul adam densaýlyǵyna zıanyn tıgizbeıdi, kerisinshe kóp jaǵdaıda paıdaly bolmaq.
Prezıdenttikke kandıdat Qaraqat Ábden bul bastamanyń áleýmettik mańyzy zor ekendigin atap ótti.
«Búgin biz shtab músheleri «Ómir súrýge úmit syıla» degen uranmen qan tapsyrýǵa keldi. Jalpy, bul bastamanyń áleýmettik mańyzy zor dep bilemin. Donor qany adamnyń ómir qutqara alady, qıyn jaǵdaıǵa tap bolǵan jandardyń densaýlyǵyn saqtap qalýdyń kepili bola alady. Biz úshin adam ómiri men onyń densaýlyǵynan baǵaly eshteńe joq. Osyndaı ıgi isterde halyqtyń belsendiligi arta tússe eken deımiz. Ózgelerge kómek kórsetip, der kezinde qol ushyn sozý bizdi biriktiredi», - dedi kandıdat.
Eske salsaq, elimizde 20 qarasha kúni kezekten tys prezıdent saılaýy ótedi. Kandıdat Q.Ábden el aımaqtaryn aralap, 8 oblysta 30-dan astam kezdesý ótkizdi. Aldaǵy ýaqytta ol Túrkistan jáne Jambyl oblystarynyń saılaýshylarymen júzdesedi.