Úmitkerlerdiń arasynda ǵalymdar men bıznesmender jáne jumyssyz otyrǵan azamattar bar.
Shildeniń 25 kúni Qazaqstanda aýyldyq okrýg ákimderiniń saılaýy ótedi. Almaty oblysynda bul saılaýǵa qatysý úshin 279 adam usynys bildirgen, olardyń arasynda ǵalymdar, memlekettik qyzmetkerler, bıznes ókilderi jáne ýaqytsha jumyssyz otyrǵan azamattar bar, dep habarlaıdy Almaty-akhamy.kz.
«Usynylǵandar arasynda 154 úmitker - jumys istep júrgen memlekettik qyzmetshiler, 32-i - komersıalyq qurylymdardyń ókilderi, 70-i - búdjettik uıymdardyń qyzmetkerleri, 10-y ýaqytsha jumys istemeıdi, 3-i - qoǵamdyq birlestikterdiń ókilderi, 6-ýy - ózin-ózi jumyspen qamtyǵandar, 3-i ishki ister jáne áskerı salalardyń zeınetkerleri. Arasynda ǵylymı dárejesi bar kandıdat ta bar», - dedi oblystyq aýmaqtyq saılaý komısıasynyń múshesi Qaharman Jaqsylyq.
Úmitkerlerdiń ortasha jasy - 41,3 jas.
«Ortasha básekelestik deńgeıi 3,9 adamnan keledi. Usynylǵan 279 úmitkerdiń 249-y - er, 30-y - áıel azamatshalar», – delingen Almaty oblysy ákiminiń baspasóz qyzmeti.