Tártip buzýshylar kóbinese qoǵamdyq tamaqtaný oryndaryna kirýge tyrysady.
Almatydaǵy epıdemıologıalyq ahýal ýshyǵyp, nasharlaýda. Bul vaksınalanbaǵan jáne buryn aýyrmaǵan turǵyndardyń koronavırýs ınfeksıasynyń delta shtammyn juqtyrýyna baılanysty bolýda. KVI-diń odan ári taralýyn boldyrmaý jónindegi qalalyq shtab otyrysynda ahýaldy turaqtandyrý sharalary qaraldy,dep habarlaıdy Almaty-akhamy.kz.
Qalanyń Sanıtarlyq-epıdemıologıalyq baqylaý departamentiniń málimeti boıynsha, Almatyda aǵymdaǵy jyldyń basynan beri jalpy KVI-diń 65 878 jaǵdaıy tirkelgen. Ótken 2 aptada buryńǵy 2 aptamen salystyrǵanda KVI derti 2,6 esege artqan, táýliktik ósim 1%-dan astam. 1-18 shilde aralyǵynda KVI-diń 10 093 jaǵdaıy tirkeldi, bul 10700 jaǵdaıdyń pesımısik boljamyna sáıkes kelýde.
Derttiń ósý sebebi belgili – 18 maýsymnan bastap qalada «delta» nusqasy tarala bastady, ol óte juqpaly ári tez taraıdy, klınıkalyq kórinisteri tym aýyr.
Sońǵy 7 kúnde «sımptomdy» pasıentterdiń úles salmaǵy burynǵy 7 kúndegi 88%-dan 90%-ǵa deıin ósýde, bul ótken jyly epıdemıanyń birinshi tolqyny kezinde COVID-19-dyń ýhan nusqasynyń 50%-na qarsy.
Qalalyq SEBD-niń mamandary KVI jaǵdaıy boıynsha aldaǵy 3 aıǵa, 30 qyrkúıekke deıin sanıtarlyq-epıdemıologıalyq ahýaldyń damýyna boljam jasady. Bazalyq boljam boıynsha derttiń sharyqtaý shegi 3-4 tamyzǵa týra keledi ári táýligine 1600-ge jýyq jańa jaǵdaı tirkelýi múmkin. Pesımısik boljam boıynsha derttiń sharyqtaý shegi 10-11 tamyzǵa týra keledi, 1900 jańa jaǵdaı tirkelýi múmkin.
Bazalyq boljamǵa sáıkes 5-5,5 myń tósek oryn paıdalanylady, al pesımısik boljamnyń sharyqtaý shegi boıynsha 6-6,5 myń tósek orynǵa artýy múmkin.
Demek, bazalyq senarı boıynsha shildede 27,5 myń, tamyzda – 34,5 myń, qyrkúıekte – 4,5 myń KVI jaǵdaıy, al pesımısik boljamǵa sáıkes shildede 29 myń, tamyzda – 49,5 myń, qyrkúıekte – 13,5 myń jaǵdaı. KVI jaǵdaıy tirkelýi múmkin.
Mektep oqýshylarynyń offlaın oqýyn qamtamasyz etý úshin monıtorıń jumystary júrgizilýde jáne muǵalimder vaksınalanýda. Búginde muǵalimderdiń 97%-y I komponentpen, 67,9%-y II komponentpen vaksınalandy. Budan ózge, medısınalyq qyzmetkerlerdiń 97,3%-y I komponentpen, 67,3%-y II komponentpen vaksınalandy.
Sońǵy 2 aptadaǵy jas quramyn taldaýbalalar men jasóspirimderde vırýstyń delta nusqasynyń tez juǵatynyn kórsetti. 14 jasqa deıingi balalardyń úles salmaǵy 1%-ǵa ósti jáne joǵary bolyp qalýda – 14%. 20 jastan 40 jasqa deıingi azamattardyń dert juqtyrýy tómendedi, 39%-dan 37,5%-ǵa deıin. 40-59 jastaǵy naýqastardyń úles salmaǵy joǵary – 25%. Al, 60 jastaǵy adamdar arasynda juqtyrǵandardyń úlesi 1,1%-ǵa ósken.
Jumyspen qamtý boıynsha sońǵy 14 kúnde KVI ózin-ózi jumyspen qamtyǵandar arasynda joǵary – 41%, túrli JSHS, JK, AQ jumysshylary arasynda – 17%, zeınetkerler arasynda – 16,4%, mektep oqýshylary arasynda – 9,2%, mektep jasyna deıingi balalar arasynda 6,4%, jalpy aýyrǵandar sanynyń 90%-y.
Sońǵy 7 kúnde KVI jıi juǵatyn jerler: saýda nysandary – 40%, qoǵamdyq kólik – 20%, otbasylyq baılanys – 19%, bazarlar – 16%.
Almatyda 2282 qatysýshy Ashyq jobasy boıynsha jumys isteıdi. 9-14 shilde aralyǵynda nysandarda QR-kodyn (tirkeý) paıdalanyp kelýshilerdi tirkeýdiń mınımaldy sanyn júrgizbegen faktiler anyqtalmady. 100 qatysýshy – Ashyq jobasynyń kóshbasshylary. 26 sáýir men 14 shilde aralyǵynda 211 jaýapsyz qatysýshy jobadan shyǵaryldy.
9-14 shilde aralyǵynda Ashyq-ta skanerleý kezinde «qyzyl» mártebesi bar 31 adamǵa ózin-ózi oqshaýlaý rejımin buzǵany úshin 30 AEK aıyppul salyndy. Jalpy alǵanda, 28 sáýir men 14 shilde aralyǵynda ózin-ózi oqshaýlaý rejımin buzǵany úshin «qyzyl» mártebege ıe 65 adamǵa 30 AEK kóleminde aıyppul salyndy.
Tártip buzýshylar kóbinese qoǵamdyq tamaqtaný oryndaryna kirýge tyrysady, munda 58 adamnan «qyzyl» jáne 13 adamnan «sary» mártebe anyqtalǵan. SOSO kire berisinde 28 adamnyń «qyzyl» jáne 110 adamnyń «sary» mártebesi belgili boldy. «Qyzyl» mártebesi bar 9 adam Almaty Áýejaıyna ótpekshi boldy.
Sondyqtan KVI-diń odan ári taralýyn boldyrmaý jónindegi qalalyq shtab ambýlatorıalyq emdelip jatqan qala turǵyndaryn ózin-ózi oqshaýlaý rejımin buzbaýǵa jáne qoǵam aldynda azamattyq jaýapkershilik tanytýǵa shaqyrady. Vırýs juqtyrǵan adamdarmen baılanysta bolǵan tulǵalar ózin-ózi oqshaýlaý rejımin saqtaýy jáne basqa adamdarǵa juqtyrmas úshin adamdar kóp jınalatyn oryndarǵa barmaýlary tıis.