Jetisý oblysynda jalpy quny 9 mıllıon teńgeden asatyn eki iri mal urlyǵynyń faktisi anyqtaldy, dep habarlaıdy Aqshamnews.kz tilshisi.
7 maýsym kúni Kóksý aýdanyna qarasty Muqanshy aýyldyq okrýginiń jaıylymynan belgisiz adamdar 9 bas iri qarany urlap ketken. Jábirlenýshige keltirilgen shyǵyn 2,5 mıllıon teńgege baǵalanǵan.
Birneshe kúnnen keıin Alǵabas aýyldyq okrýginde taǵy bir urlyq tirkelip, bul joly 14 bas iri qara qoldy boldy. Mal ıesine kelgen shyǵyn 7 mıllıon teńgeden asty.
Jedel-izdestirý barysynda polısıa qyzmetkerleri 51 jáne 37 jastaǵy eki kúdiktini ustady. Ekeýi de aýdannyń turǵyny ekeni belgili boldy.
Kúdiktiler urlanǵan maldy MAN markaly júk kóligimen tasymaldamaq bolǵan. Kólik toqtatylǵan kezde onyń ishinen joǵalǵan 14 bas iri qara tabyldy. Sonymen qatar, maldy satyp almaqshy bolǵan Almaty oblysynyń turǵyny da qolǵa tústi.
Atalǵan derekter boıynsha QR Qylmystyq kodeksiniń mal urlyǵyna qatysty babymen is qozǵaldy. Bul bapqa sáıkes, 3 jyldan 7 jylǵa deıin bas bostandyǵynan aıyrý jáne múlkin tárkileý jazasy qarastyrylǵan.
Qazirgi ýaqytta tergeý amaldary jalǵasyp jatyr. Polısıa ustalǵandardyń basqa da uqsas qylmystarǵa qatysy bar-joǵyn anyqtap jatyr.