Shekteý sharalary Qurban aıt meıramyna oraı engizilip otyr.
Shildeniń 16-synan bastap Almaty oblysynda karantın sharalary kúsheıtiledi. Bas sanıtarlyq dáriger arnaıy qaýlyǵa qol qoıdy, dep habarlaıdy Almaty-akshamy.kz.
Bas memlekettik sanıtarlyq dárigeriniń 2021 jylǵy 15 shildedegi №14 «Qurban aıt meıramyn merekeleý kezinde Almaty oblysy turǵyndarynyń sanıtarlyq – epıdemıologıalyq salaýattylyǵyn qamtamasyz etý týraly» QAÝLYSY boıynsha:
- menshik túrine qaramastan, barlyq uıymdarda, sondaı-aq jeke úı sharýashylyqtary men meshitterde adamdar kóp jınalǵan is-sharalar ótkizýge tyıym salynady;
- maldy avtokólikterden jáne jeke úı sharýashylyqtarynda satýǵa tyıym salynady;
- mal satýdy jáne soıýdy veterınarlyq qyzmettiń resmı veterınarıalyq-sanıtarıalyq qorytyndysyn alǵan soıý ortalyqtary men ýchaskelerinde (veterınarıa qyzmeti bekitken tizim boıynsha soıý alańdary, aýdandardaǵy ýchaskeler) ǵana uıymdastyrý;
- maldy soıý tek veterınarlyq anyqtamamen jabyq rejımde, tek tapsyrys jáne jetkizilim boıynsha, kelýshilersiz júzege asyrylady;
- búkil aımaqtaǵy mal soıý pýnktterinde memlekettik veterınarıalyq-sanıtarıalyq baqylaý men qadaǵalaýdy kúsheıtý;
- Qurban2021.kz veb-saıtyna ótinishter bere otyryp, qurbandyq shalý (Qurbandyq) onlaın rejıminde;
- turǵyndarǵa Qurban aıt meıramyn uıymdastyrý máselelerin túsindirý úshin call-ortalyq jumysyn uıymdastyrý;
- tez buzylatyn ónimderdi (qurbandyqqa shalynatyn maldyń etin) muqtaj adamdarǵa tasymaldaý men saqtaýdyń sanıtarlyq-epıdemıologıalyq erejeleriniń talaptaryn saqtaý, qajetti mólsherde tońazytqysh jabdyqtarymen, tońazytqyshtarmen jáne jeke qorǵanys quraldarymen qamtamasyz etý;
- ákimdikter janyndaǵy mobıldi toptardyń jumystyń kúsheıtilgen sanıtarlyq-dezınfeksıalyq rejımin, epıdemıaǵa qarsy rejım talaptaryn saqtaýyn baqylaý.
Qurban aıt meıramyn musylman halqy 20-21-22 shilde kúnderi toılaıdy.