Kúdikti qazir ýaqytsha ustaý ızolátorynda otyr. Polıseıler aldanǵan adamdar kóp ekenine senimdi.
"Jedel izdestirý is-sharalary barysynda kúdikti 30 jastaǵy Almaty oblysynyń týmasy ustaldy", – dep habarlaıdy Almaty-akshamy.kz Polisia.kz-ke silteme jasap.
Qazaqstan Respýblıkasynyń búkil aýmaǵynda onnan astam jábirlenýshi alaıaqtyq týraly aryzben polısıaǵa júgingen. Tártip saqshylarynyń aqparatyna sáıkes, A.esimdi er adam nesıelik tarıhy nashar adamdarǵa bul máseleni «sheshýdi» usynǵan. Óziniń jumysy úshin ol qomaqty qarjy suraǵan. Ańqaý adamdardyń aqshany tólep, kúte turýynan basqa amaly joq. Aqshany alǵannan keıin er adam belgisiz baǵytta jasyrynǵan. Qolyndaǵy qarajatty óz qajettilikterine jumsaǵan.
«Jedel izdestirý is-sharalary barysynda kúdikti 30 jastaǵy Almaty oblysynyń týmasy ustaldy. Qazir 10 alaıaqtyq faktisi dáleldendi. Sonymen qatar jábirlenýshiler tek Almatydan ǵana emes, Qazaqstannyń basqa da qalalarynan júgindi. Sotqa deıingi tergeýdiń biryńǵaı tiziliminde 190-bap boıynsha qylmystyq is qozǵaldy», – dedi Almaly APB-nyń bastyǵy Esen Ysqaqov.
«Ustalǵan adamnyń sýretine muqıat qaraýyńyzdy suraımyz. Osy er adamnyń áreketinen zardap shekken adamdardyń myna telefondarǵa habarlasýlaryn suraımyz: 8-708-707-9202; 8-705-771-1371; 8-705-555-7763», – dedi Esen Ysqaqov.