Aldaǵy ýaqytta nekeni tirkeý jergilikti jumyspen qamtý jáne áleýmettik qorǵaý basqarmasynyń ǵımaratynda júrgiziletini belgili boldy
Jetisý oblysynyń ákimdigi Taldyqorǵandaǵy Neke saraıy ǵımaratynda ornalasady. Bul aqparatty Almaty oblysy ákimdigi rastady, - dep habarlaıdy Almaty-akshamy.kz Tengrinews.kz-ke silteme jasap.
«Bul ýaqytsha. Saltanat saraıy ǵımaraty jumys kúnderi bos bolǵan soń tańdaldy, saltanatty is-sharalar ótkizilmeıdi», - dedi Almaty oblysy ákiminiń baspasóz hatshysy Rýslan Erbota.
AHAJ ǵımaratynyń jalpy aýdany - 3531 sharshy metr. Munda Taldyqorǵan jáne oblystyń jaqyn aýdandarynyń jas jubaılary tirkelgen.
Aldaǵy ýaqytta nekeni tirkeý jergilikti jumyspen qamtý jáne áleýmettik qorǵaý basqarmasynyń ǵımaratynda júrgiziletini belgili boldy. Saltanatty neke qıý rásimi Bıken Rımova atyndaǵy teatrda ótedi.
Aıta keteıik, Taldyqorǵandaǵy Neke saraıy 2017 jyly salynǵan edi. Qurylysqa bir mıllıardtan asa qarajat jumsalǵan. Ǵımaratta qalyńdyq pen kúıeý jigittiń bólmeleri, nekeni saltanatty tirkeý zaly, qonaqtarǵa arnalǵan kútý zaly, 160 oryndyq meıramhana, keń hol jáne májilis zaly bar.