Prezıdent osyǵan qatysty shuǵyl sharalar qabyldaýdy tapsyrdy
Prezıdent «ArselorMıttal Temirtaý» AQ sehynda qaza bolǵan jumysshylardyń jaqyndary men týystaryna kóńil aıtty. Bul týraly Almaty-akshamy.kz Aqordanyń baspasóz qyzmetine silteme jasap habarlaıdy.
Qasym-Jomart Toqaev Qaraǵandy oblysynda qaza bolǵan jumysshylardyń jaqyndary men týystaryna kóńil aıtý jedelhatyn joldady.
«ArselorMıttal Temirtaý» aksıonerlik qoǵamynyń sehynda bolǵan apat saldarynan qazaǵa ushyraǵan jumysshylardyń otbasylary men týǵan-týystarynyń qaıǵysyna ortaqtasyp, kóńil aıtamyn. Zardap shekken azamattardyń tezirek saýyǵyp ketýin tileımin. Úkimetke jáne Qaraǵandy oblysynyń ákimine qaıǵyly oqıǵanyń sebepteri men mán-jaıyn anyqtaý úshin shuǵyl sharalar qabyldaýdy jáne qaza tapqandar men zardap shekkenderdiń otbasylaryna kómek kórsetýdi tapsyrdym», – dep jazylǵan Memleket basshysynyń jedelhatynda.