Jetisý oblysynda qarý-jaraq pen oq-dáriler saqtalǵan taǵy bir oryn anyqtaldy, dep habarlaıdy polisia.kz telegram kanaly.
13 maýsymda Sarqan qalasynyń mańynda Jetisý oblysy PD UQKKB jedel qyzmetkerleri men UQKD qyzmetkerleriniń kúshimen qarý-jaraq saqtalǵan oryn anyqtaldy. Polıetılen paketke oralǵan atys qarýy men oq-dáriler Sarqan-Ekiasha avtojolynyń 5-shaqyrymynda sýarmaly aryqtan tabylǵan.
«7 patronmen jaraqtandyrylǵan «Baıkal» tapanshasy, bir aýyzdy ańshylyq myltyǵy, 12 kalıbrli sholaq myltyq, markasy belgilenbegen, serıalyq nómirleri joq gaz tapanshasy, sondaı-aq ártúrli kalıbrli 105 patron tárkilendi. «Baıkal» tapanshasy 2022 jyly Taldyqorǵan qalasynda Qańtar oqıǵasy kezinde urlanǵany anyqtaldy», - dep habarlady Jetisý oblysy PD UQKKB bastyǵy Sarqytbaı Qusaıynov.