Qazgıdromet RMK-nyń aýa raıy boljamyna sáıkes, aldaǵy kúnderi Jetisý oblysynda aýa temperatýrasy +3 gradýsqa deıin kóterilip, qar aralas jańbyr jaýyp, kóktaıǵaq, burqasyn jel bolady, tuman túsedi.
Osyǵan baılanysty, Jetisý oblysynyń TJD baspasóz qyzmeti eskertý jarıalady.
TJD eskertedi:
sý aıdyndarynda muz qabaty juqaryp, ózenderdegi sý deńgeıiniń kóterilýi yqtımal;
taýly aımaqtarda qar jamylǵysynyń turaqsyz jaǵdaıyna baılanysty qar kóshkini júrýi múmkin;
eldimekenderde jaýyn-shashynnyń túsýi, qardyń qarqyndy erýine baılanysty aýla aýmaqtaryn sý basýy múmkin.
Tótenshe jaǵdaılardyń aldyn alý maqsatynda azamattarǵa taǵy mynalar eskertiledi:
úılerdiń janynda ornalasqan aryqtar men sý ótkizetin arnany ýaqytyly tazartý;
balalardy sý aıdyndaryna baqylaýsyz jibermeý, muzda, tik jáne shaıylǵan jaǵalaýlarda bolý qaýpi týraly eskertý;
qarly taý betkeılerine shyqpaý;
aýa-raıynyń ózgerýin qadaǵaý jáne "112" daýyldy eskertýi habarlamasyn alǵan kezde, eldimekenderden tys jerlerge saparlamaý usynylady.