Oblysta týý kórsetkishi ólim-jitimnen orta eseppen 3 ese kóp
2021 jylǵy halyq sanaǵynyń qorytyndysy boıynsha, Jetisý oblysynda 698 675 myń adam turady. Bul kórsetkish - respýblıka halqynyń 3,5 paıyzy. Onyń ishinde 345 myń er jáne 353 myń áıel adam bar, dep habarlaıdy Almaty-akshamy.kz.
Óńirde syrtqy kóshi-qonnyń turaqty teris saldosy bar. Máselen, ótken jyly oblysqa 19 myń adam kelse, ketkenderdiń sany 28 myńnan asqan. Bul týraly Jetisý oblystyq statısıka departamentiniń basshysy Marat Bókenov Óńirlik komýnıkasıalar alańynda ótken baspasóz máslıhatynda málimdedi.
«2009 jylmen salystyrǵanda, halyq sany 11,6% -ǵa ósti. Turǵyndardyń 76 paıyzy – qazaqtar, 14 paıyzy – orystar, 15 jasqa deıingi jastar – 31,7 paıyz. Oblys salystyrmaly túrde jas bolyp sanalady», - deıdi spıker.
Oblysta týý kórsetkishi ólim-jitimnen orta eseppen 3 ese kóp. 2022 jyly 14 080 náreste dúnıege kelip, 4 976 adam qaıtys bolǵan.
Otbasylyq mártebege keletin bolsaq, ótken jyly 4488 neke qıylyp, 619 ajyrasý tirkeldi. Statısıkaǵa sáıkes, árbir 7-shi otbasy ajyrasýda. Aıta ketý kerek, oblys ekige bólingen sátten bastap bul kórsetkish edáýir tómendegen. Mysaly, 2022 jyldyń mamyrynda árbir besinshi neke ajyrasýmen aıaqtaldy.