Sharýalar men saýdagerler arnaıy kelisimge keldi.
Almaty oblysynyń sharýalary óz ónimderin Almatydaǵy saýda oryndaryna tikeleı ótkize alady. Sharýalar mundaı múmkindikke arnaıy qol qoıylǵan memorandým arqyly qol jetkize alady, dep habarlaıdy Almaty-akshamy.kz Eldala.kz saıtyna silteme jasap.
Ónim almatylyqtar men Almaty aımaǵynyń turǵyndary úshin belgilengen baǵamen satylatyn bolady. Atalǵan sharalar Memleket basshysynyń áleýmettik mańyzy bar azyq-túlik taýarlarynyń baǵasyn turaqtandyrý jónindegi tapsyrmasyn iske asyrý bolyp tabylady.
«Buǵan deıin maýsym aıynda ÁKK aýyl sharýashylyǵy óndirýshileriniń saýda jelilerimen kezdesýin uıymdastyrdy, onyń qorytyndysy boıynsha sút jáne sút ónimderin, qant, jumyrtqa jáne basqa da azyq-túlikterdi tikeleı jetkizý týraly kelisimderge qol jetkizildi. Bizdiń maqsatymyz Almaty oblysynyń óndirýshilerine saýda jelilerimen ózara baılanysty ornatýǵa jáne jetkizilimderdi kelisimsharttarmen bekitýge kómektesý bolyp tabylady», - dedi «Jetisý» ÁKK basqarma tóraǵasynyń orynbasary Azamat Rahımov.
Osy jaǵdaıǵa baılanysty ótkizilgen kezdesýler aıasynda taýar óndirýshilerge memlekettik qoldaý tásilderi, atap aıtqanda, aınalym qarajatyn tolyqtyrý úshin jeńildetilgen qaryzdar usynyldy, olar ónimniń ózindik qunyn tómendetip, halyq úshin taýarlardyń qoljetimdi bolýyn qamtamasyz etýi tıis.
«Almaty ákimi Baqytjan Saǵyntaevtyń tapsyrmasy boıynsha megapolıstiń azyq-túlik qaýipsizdigin qamtamasyz etý jumystary jalǵasýda. Bul erekshe baqylaýda turǵan strategıalyq mańyzdy másele. Búgin biz et, maı jáne kúrish jetkizý týraly memorandýmǵa qol qoıdyq. Aldaǵy maýsymǵa, 2021 jyldyń qyrkúıeginen bastap 2022 jyldyń sáýirine deıin biz 22 mlrd teńgege 2,5 myń tonna kókónis satyp alý týraly shart jasadyq», - dep habarlady Almaty qalasy ákiminiń orynbasary Maqsat Kıkımov.