Aýdan ákimi Gúlnar Kókebaeva Óńirlik komýnıkasıalar qyzmetiniń alańynda aýdandaǵy mektepter, balabaqshalar men medısınalyq uıymdardyń qurylysy týraly aıtyp berdi.
Spıkerdiń aıtýynsha, aýdanda «Shetsiz qala» baǵdarlamasy júzege asyrylýda. Basqasha aıtqanda, ár shaǵynaýdanda bilim berý, medısına nysandary, belsendi demalys oryndary bolady, dep habarlaıdy Almaty-akshamy.kz
Sondyqtan "Kemel", "Aınabulaq" jáne "Qulager" shaǵynaýdandarynda birden úsh dene shynyqtyrý-saýyqtyrý keshenin salý týraly sheshim qabyldandy. Aıaqtalý merzimi – 2022 jyldyń 1-shi jáne 2-shi toqsandary. Olarǵa kirý tegin bolady.
Budan basqa, keler jyly "Kemel" shaǵyn aýdanynda 200 kelýshige arnalǵan otbasylyq-dárigerlik ambýlatorıa salynady. Al bıylǵy jyldyń sońyna deıin №11 emhanada seısmıkalyq kúsheıtý men kúrdeli jóndeý jumystary aıaqtalady.
Sondaı-aq, ákim "Qulager" shaǵynaýdanynda jáne "Saıahat" avtovokzalynyń jeke sektory aýmaǵynda emhanalar máselesi qalaı sheshilip jatqanyn aıtty. Onyń aıtýynsha, "Qulagerdegi" emhana alańy boıynsha sáıkes kelmeıdi, al "Saıahat" aýmaǵynda ol múldem bolmaǵan. Aýdan ákimdigi Sıdorkın kóshesi, 14-te aýdany 1 647 sharshy metr eki qabatty ǵımaratty jáne Omarov kóshesindegi aýdany 1 967 sharshy metr úsh qabatty ǵımaratty satyp aldy.Keıin bul oryndarda emhana ashý josparlanýda.
«Bıyl №57 mektepke 300 oryndy jáne №102 mektepke 150 oryndy qosalqy nysan qurylystary aıaqtaldy, sonymen qatar eki mektepte de jańa akt zaldary salyndy. 600 oryndy №177 mektepke qosalqy nysan men №43 mektepte asqana qurylysy aıaqtalýda», - dedi Gúlnar Kókebaeva.
№129 mektepte seısmıkalyq kúsheıtý men kúrdeli jóndeý, sondaı-aq «Jumysshy kenti» eldi mekeninde 2021-2025 jyldarǵa arnalǵan turǵyn úı qoryn renovasıalaý baǵdarlamasy boıynsha 8 úıdiń ornyna 7 úıdiń qurylysy jalǵasýda.
Budan basqa, aýdan ákimdigi "Aınabulaq-4" shaǵynaýdanynda 160 oryndy balabaqsha, №148 (300 oryn), 103 (250 oryn), 112 (300 oryn), 850 oryndy qosymsha qurylystar salýdy jáne №101 mektepke akt zalyn salýdy josparlap otyr. Sondaı-aq, «Jumysshy kentinde» aýysymyna 100 kelýshige arnalǵan emhana qurylysyna JSQ ázirleý bastaldy.
Gúlnar Kókebaeva kelesi jyly qolǵa alynatyn "Kókmaısa" shaǵynaýdanyndaǵy Esentaı ózeni jaǵalaýynyń qurylysy týraly habarlady.