Dárigerler essiz kúıde 9 kún jatqan er adamnyń ómiri úshin kúresti
Ortalyq qalalyq klınıkalyq aýrýhanaǵa 18 qarashada asa aýyr haldegi 67 jastaǵy er adam essiz kúıde jetkizildi, dep habarlaıdy Almaty-akshamy.kz OQKA baspasóz qyzmetine silteme jasap.
Inkýbasıa qaralyp, ÓJJ apparatyna qosyldy jáne shuǵyl túrde reanımasıa bólimshesine emdelýge jatqyzyldy. Qoıylǵan dıagnoz- mıshyqtyń sol jaq syńarynyń ınsýlty, ıshemıa mólsheri 5h4 sm. qurady. Stasıonardyń reanımatologtary 9 kún reanımasıa bólimshesiniń qabyrǵasynda pasıenttiń ómiri úshin kúresip, barlyq qajetti dıagnostıkalyq jáne emdik sharalar júrgizildi.
Insýlt bólimshesiniń meńgerýshisi Azız Ismaılovtyń aıtýynsha, traheostom týraly másele kóterildi, degenmen, naýqastyń hal-jaǵdaıy jaqsaryp, ekstýbasıa júrgizildi jáne er adamdy óz betimen tynys alý arqyly ózindik tamaqtaný satysyna aýystyryldy. 26 qarashada er adam ınsýlttyq bólimshesine aýystyrylyp, onda bir apta jatyp densaýlyǵy jaqsara bastady. Osy ýaqyt boıy pasıentke erteden ońaltý qaralyp, nevrologıalyq tapshylyǵy shaǵyn mólsherge túse bastady. Pasıenttiń densaýlyǵy tolyǵymen turaqtanyp, eshkimniń kómegisiz ózine ózi qaraı bastady.
«Búgin pasıentti úıine shyǵardy, er adam ózin jaqsy sezinedi, óz betimen qozǵalady. qozǵalys jáne sóıleý jaǵynan aqaýlyqtar anyqtalmaǵan. Usynymdarmen ári qaraı qadaǵalanýǵa jiberildi»- dedi dáriger.
Sarapshy pasıenttiń hal-jaǵdaıy nasharlaǵan kezde der kezinde dárigerge barý kerek ekendigin taǵy aıta ketti.
«Ókinishke oraı, klınıkaǵa kesh júginedi. Bizdiń halyq ózi jazylyp ketetindeı, aýrýhanaǵa barǵandy unatpaıdy. Biraq, bul olaı emes ekenin túsingenderi jón. Jáne de eń aldymen "jedel járdemdi" shaqyrý qajet»- dep túsindirdi Azız Ismaılov.