Bul týraly Óńirlik komýnıkasıalar qyzmetiniń baspasóz konferensıasy barysynda Almaty qalasy Jetisý aýdanynyń ákimi Gúlnar Kókebaeva aıtty, dep habarlaıdy Almaty-akshamy.kz
Spıker aýdannyń kez kelgen turǵyny «Búdjetke qatysý» jobasy aıasynda aýlany, kósheni nemese skverdi abattandyrý boıynsha óz ıdeıasyn usyna alatynyn eske saldy.
Eger bastamany turǵyndar daýys berý barysynda qoldasa, ol qalalyq búdjet esebinen júzege asyrylady.
Negizinen Jetisý aýdanynyń aýlalary men qoǵamdyq keńistikterin jóndeý jáne rekonstrýksıalaý boıynsha usynystar tústi.
«Osy baǵdarlama aıasynda aǵymdaǵy jyly 7 qoǵamdyq keńistik jóndeýden ótti, onyń tórteýiniń ornynda buryn qaraýsyz qalǵan ýchaskeler men avtomobıl joldary boldy. 101 mekenjaı boıynsha balalar jáne sport alańdaryna aǵymdaǵy jóndeý júrgizildi, sondaı-aq turǵyndardyń kóptegen ótinishteri boıynsha jeke sektorda 11 alań salyndy», - dedi aýdan ákimi.
Sondaı-aq, Bulqyshev, Stoletov, Taırov, Kazakov, Qazybaev, Ratýshnyı kósheleri, "Kókmaısa", "Qulager" shaǵynaýdandary, Makarenko kóshesinde, Abylaı han, Rysqulov, Seıfýllın, Raıymbek, Súıinbaı dańǵyldary, Polejaev, Jansúgirov, Týzov, Aqpaev, Pavlodar, Soltústik aınalym kósheleri, Geologtar, Bespaqov, Bókeıhanov kósheleri boıynsha aýla aýmaqtaryna aǵymdaǵy jóndeý júrgizildi. "Kókjıek" shaǵynaýdanyndaǵy sport alańy jáne "Aınabulaq-4" shaǵynaýdanyndaǵy 167 úıdiń balalar alańy jóndeldi.
Jeke sektordyń 11 mekenjaıynda balalar alańdary paıda boldy.