Bul týraly Óńirlik komýnıkasıalar qyzmetiniń baspasóz konferensıasy barysynda Jetisý aýdanynyń ákimi Gúlnár Kókebaeva málimdedi. Qazirgi kezde 11 kóshege ortasha jóndeý jumystary júrgizilýde. Joldardyń jalpy uzyndyǵy 18,3 shaqyrymdy quraıdy. Sonymen qatar, aýdanda trotýarlardy retke keltirý jumystary júrgizilýde dep habarlaıdy almaty-akshamy.kz
Gúlnar Kókebaevanyń aıtýynsha, aýdannyń Rysqulov pen Súıinbaı dańǵyldarynda jumystar aıaqtalyp qaldy, Taımyrskıı, Moskvına, Chernovskaıa, Galıleı jáne Pervomaıskaıa munaı bazasy kóshelerinde jóndeý jumystary júrgizilýde. Geologov, Talant jáne Jansúgirov kóshelerinde jumys júrgizilýde, Kýderına kóshesinde jumys aıaqtaldy.
«Bizdiń aýdan turǵyndarynyń ótinishi boıynsha Esenov, Núsipbekov, Palladın kóshelerinde jáne Aınabulaq-2 shaǵynaýdanynda uzyndyǵy 1,4 shaqyrym bolatyn jaıaý júrginshiler joldaryn retke keltirý jumystary júrgizildi», - dedi Jetisý aýdanynyń ákimi.
Sonymen qatar, aýdan turǵyndarynyń ótinishi boıynsha belgilengen ýchaskelerdegi shuńqyrlar jóndelýde. 3 tamyzdaǵy jaǵdaı boıynsha, oryndalǵan jumys kólemi 26 700 sharshy metrdi quraıdy.
Joldan basqa, sý basyp qalýy múmkin aımaqtarda aryq jelileri retke keltiriledi. Jalpy alǵanda, uzyndyǵy 4,2 km bolatyn 11 kóshede aryq jelileri jóndeledi. Achınskaıa, Zýbarev, Jangeldın, Galıleı, Dybenko, Shekspır, Volochaevskaıa, Shelıhov, Pavlodarskaıa, Qazybaev kóshelerinde jáne Aınabulaq-1 shaǵynaýdanynda jumystar júrýde. Tamyzdyń sońynda aryqtar jelilerin jóndeýdi aıaqtaý josparlanýda.