Aýdandaǵy jol ınfraqurylymynyń sapasyn jaqsartý maqsatynda uzyndyǵy 15,3 km bolatyn 13 kóshege ortasha jóndeý jumystary júrgizildi.
Jetisý aýdanynda ótken alǵashqy kezdesýimde "Kókjıek" shaǵynaýdanynyń turǵyndary kvartalaralyq kóshelerge jóndeý júrgizý týraly ótinish bildirdi. Almaty qalasynyń ákimdigi bul jumystardy aıaqtady, 5,3 km jolǵa asfált tóseldi, dep habarlaıdy Almaty-akshamy.kz.
Bul týraly Almaty qalasynyń ákimi Erbolat Dosaevtyń Jetisý aýdany turǵyndarymen ótken kezdesýde aıtyldy.
Osy jyldyń qarasha aıyna deıin uzyndyǵy 11,9 km bolatyn taǵy 9 kóshe jóndeýden ótedi.
Turǵyndardyń jaıly jáne yńǵaıly júrip-turýy úshin Qazybaev, Fevralskaıa, Ratýshnyı, Elaman, Jarsýat, Qoıandy kóshelerinde 6 mekenjaıǵa 3 km jańa trotýarlar salyndy.