Bul týraly Almaty ákimi E. Dosaev Jetisý aýdanynyń turǵyndarymen kezdesýinde aıtty, dep habarlaıdy Almaty-akshamy.kz.
Bıylǵy qarasha aıynyń sońyna deıin aýdanda jasóspirimder men jastarǵa arnalǵan 2 jańa jastar saıabaǵy ashylady. Bireýi Rysqulov dańǵylyndaǵy kópirdiń astynda, Súıinbaı dańǵylynyń buryshynda, ekinshisi "Aınabulaq-1" shaǵynaýdanyndaǵy saıda bolady.
Sonymen qatar, osy jyldyń qarasha aıynda "Kókjıek" shaǵynaýdanynda jáne "Aınabulaq" shaǵynaýdanyndaǵy Jumabaev kóshesiniń boıynda uzyndyǵy
1300 metrlik 2 jaıaý júrginshiler aımaǵynyń qurylysy aıaqtalady.
Bıylǵy tamyz aıynda "Kemel" shaǵynaýdanynda park aımaǵyn abattandyrý jumystary bastaldy. Barlyǵy 10 ga aýmaq abattandyrylady. Jumystar 2023 jyldyń II toqsanynda aıaqtalady.