Almaty ákimi Erbolat Dosaevtyń qala turǵyndarymen kezekti kezdesýi Jetisý aýdanynda ótti. Qala basshysy aýdannyń damýy jáne ótken jyly turǵyndardan túsken usynystar boıynsha atqarylǵan jumystar týraly aıtyp berdi. Kezdesýge 350-den astam adam keldi, dep habarlaıdy Almaty-akshamy.kz.
Aýdannyń ózekti máseleleriniń biri ınjenerlik ınfraqurylym máseleleri bolyp tabylady. 2022 jyly Jumysshylar kentindegi 22 kóshede 47 km sýmen jabdyqtaý jáne sý burý jelileri "Almaty Sý"KMK teńgerimine berildi. Qazir 2 500 abonentti jańa jelilerge qosý jumystary júrgizilýde. Sonymen qatar, basqa núktelerde 14,5 km sýmen jabdyqtaý jáne káriz jelileri qaıta jańartyldy. Aǵymdaǵy jyly aýdannyń 68 kóshesinde jalpy 98 shaqyrymǵa jýyq sýmen jabdyqtaý jáne sý burý jelilerin salý men modernızasıalaýdy bastaý josparlanýda.
Aýdan turǵyndaryn turaqty elektrmen jabdyqtaý jáne sapaly kóshe jaryǵymen qamtamasyz etý mańyzdy baǵyt bolyp qala beredi. Ótken jyly Palladın-Pavlodar-Boraldaı kósheleriniń aýmaǵynda, sondaı-aq Taımyrskaıa kóshesinde 12 km tozǵan elektr jelileri 80%-ǵa modernızasıalandy. Aǵymdaǵy jyldyń sońyna deıin Kemel shaǵyn aýdanynda 3 myńnan astam abonent úshin taǵy 43,5 km elektr jelileri jóndeledi.
Kóshelerdi jaryqtandyrý máselelerine keletin bolsaq, ótken jyly aýdannyń buryn ishinara jaryqtandyrylmaǵan 49 kóshesinde jumystar aıaqtaldy, 5 kóshede jaryqtandyrý modernızasıalandy. 2023 jyly taǵy 101 kósheni jaryqtandyrý boıynsha JSQ ázirlenetin bolady.
Aýdandaǵy ózekti máseleniń biri jol jabyndysy bolyp tabylady. Ótken jyly uzyndyǵy 26 km-den asatyn 22 kóshede ortasha jóndeý júrgizildi. 2023 jyly aýa raıy qolaıly bolǵannan keıin jumys jalǵasady. Aýdannyń 28 kóshesinde taǵy 25 km joldy ortasha jóndeý josparlanýda.
Qoǵamdyq kólik qyzmetteriniń sapasyn arttyrý basym baǵyt bolyp qala beredi. 2022 jyly úlken suranysqa ıe 8 baǵyttyń jyljymaly quramy tolyǵymen jańartyldy – 117 jańa avtobýs bólindi. Aǵymdaǵy jyly avtoparkterdi jańartý jáne jekelegen baǵyttaprdy kúsheıtý jalǵasady.
Qadamdyq qoljetimdilik tujyrymdamasy aıasynda aýdannyń áleýmettik ınfraqurylymyn damytý boıynsha belsendi jumys jalǵasýda. Máselen, "Kemel" shaǵynaýdanynda bir aýysymda 200 adam qabyldaıtyn otbasylyq-dárigerlik ambýlatorıanyń qurylysy aıaqtalyp qaldy. Ótken jyly ákimdik aýysymyna 200 jáne 300 kelýshige arnalǵan emhanalardy ashý úshin eki ǵımarat satyp aldy.
Oqýshy oryndarynyń tapshylyǵyn tómendetý máselelerine erekshe nazar aýdarylady. 2022 jyly 875 oryndyq 2 mektepte qosalqy nysandar paıdalanýǵa berildi jáne 200 oryndyq qosalqy nysannyń qurylysy bastaldy. Aǵymdaǵy jyly "Jaıly mektep" ulttyq jobasy aıasynda 1200 oryndyq jańa mektep jáne qoldanystaǵy mektepterge 450 oryndyq 2 qosymsha qurylys salý josparlanǵan.
"Mektep avtobýsy" jobasy aıasynda kólikke óte muqtaj tórt mekteptiń oqýshylary irikteldi (№80, 87, 112 jáne 193). Olar úshin 16 arnaıy avtobýs bólinedi, onyń 3-eýi naýryz aıynda balalardy tasymaldaýdy bastaıdy.
Únemi sý basý oryndarynyń problemasyn sheshý boıynsha. 2022 jyly ákimdik TJ jelisi boıynsha jıi sý basatyn 7 ýchaskeni anyqtady, olardy joıý úshin uzyndyǵy 2,6 km jańa sý burý kolektory salyndy, 2 qoldanystaǵy kolektor tazartyldy, 1,3 km aryq jelisi salyndy, Esentaı kanaly tazartyldy.
Aýdan úshin abattandyrý máseleleri ózekti bolyp qala beredi. 2022 jyly "Aınabulaq" shaǵynaýdanynda, Gúlder saıabaǵynda aǵymdaǵy jóndeý jumystary júrgizildi: sýarý júıeleri qaıta jańartyldy, jańa jaryqtandyrý ornatyldy. Skeıt- parkter uıymdastyryldy, jastar úshin 2 jańa alań ashyldy. Sondaı-aq, strıtbol, basketbol, voleıbol jáne vorkýt alańdary zamanaýı qurylǵylarmen jabdyqtaldy. Aǵymdaǵy jyldyń sońyna deıin "Kemel" shaǵynaýdanynda jańa saıabaqtyń qurylysyn aıaqtaý jáne "Kókmaısa" shaǵynaýdanyndaǵy Esentaı ózeniniń jaǵalaýyn abattandyrý josparlanýda.
«Halyq qatysatyn búdjet» jobasy aıasynda 2022 jyly aýdanda 23 joba iske asyryldy, onyń ishinde balalar men sport alańdary jóndeldi, qoǵamdyq keńistikter quryldy. 2023 jyly aýdan turǵyndarynyń ótinimderi boıynsha 800 mln teńgege 17 jobany iske asyrý josparlanýda.
Almaty ákimimen kezdesý barysynda aýdan turǵyndary joldardy, káriz jáne elektr jelilerin jóndeý, abattandyrý, t. b. máselelerdi kóterdi.