Almaty ákimi Erbolat Dosaevtyń halyqpen kezekti kezdesýi Jetisý aýdanynda ótti. Qala basshysy aýdannyń damýy jáne turǵyndardan kelip túsken usynystar boıynsha atqarylǵan jumystar týraly aıtty. Kezdesýge 180 adam keldi, dep habarlaıdy Almaty-akshamy.kz.
Aýdandaǵy komýnaldyq ınfraqurylymdy jańǵyrtý ózekti másele bolyp qalýda. Qazan aıynyń sońyna qaraı aýdanda Qazybaev-Rysqulov-Tátibekov-Raıymbek (58 km) kósheleriniń aýmaǵyndaǵy jelilerdi qaıta jańartý jumystaryn aıaqtaý josparlanýda. Sondaı-aq, búgingi kúni aýdanda uzyndyǵy 47 km sýmen jabdyqtaý jáne káriz jelilerin synaý boıynsha jumystar júrgizilýde.
Aýdan turǵyndaryn turaqty elektr qýatymen qamtamasyz etý úshin osy jyldyń mamyr aıynan bastap eskirgen 40 shaqyrym jelilerdi qaıta jóndeý jumystary júrgizilýde.
Palladına–Pavlodar–Selskaıa–Býrýndaıskaıa kóshelerindegi ýchaskeler jyl sońyna deıin, al "Kemel" shaǵynaýdanynda jumystar 2023 jyldyń sáýir aıynda aıaqtalady.
Joldardyń paıdalaný sıpattamalaryn jaqsartý úshin jalpy uzyndyǵy 15,3 shaqyrym 13 kóshede ortasha jóndeý aıaqtaldy, aǵymdaǵy jyldyń qarasha aıyna deıin qosymsha 9 kóshe (11,9 shaqyrym) jóndeletin bolady.
Qala ákimi atap ótkendeı, aýdanda jaýyn-shashyn kezinde sý basý máselesi ózekti bolyp qalýda. Turaqty sý basýdyń 8 ýchaskesi anyqtaldy. TJ jelisi boıynsha problemany sheshý úshin jyl sońyna deıin 2,2 shaqyrym kolektordy qalpyna keltirý, 7,2 shaqyrym aryq jelilerin salý qarastyrylǵan. Sondaı-aq maýsym aıynda ótkizý qabiletin arttyrý úshin 27 mekenjaı boıynsha 4,4 shaqyrym aryqtardy jańǵyrtý jumystary bastaldy. Jumystardy aǵymdaǵy jyldyń qazan aıyna deıin aıaqtaý josparlanýda.
Oqýshy oryndarynyń tapshylyǵy máselesin sheshý úshin aýdanda jumys istep turǵan 4 mektepke qosymsha qurylys salý, sondaı-aq 2 oqý ornyna kúrdeli jóndeý jumystary júrgizilýde. Qyrkúıek aıynyń sońyna deıin №129 mektepti kúrdeli jóndeý aıaqtalady, 80 mektep boıynsha jumystardy kelesi oqý jylynyń basynda aıaqtaý josparlanýda.
Mektepke deıingi uıymdardaǵy tapshylyqty qysqartý maqsatynda «Aınabulaq-4» shaǵynaýdanynda 160 oryndyq balabaqshanyń qurylysy bastaldy. Aıaqtalý merzimi - 2023 jylǵy maýsym.
Medısınalyq qyzmet kórsetýdiń qadamdyq qoljetimdiligin qamtamasyz etý úshin Jetisý aýdanynda 3 densaýlyq saqtaý nysany boıynsha jumys júrgizilýde. Jyl sońyna deıin "Kemel" shaǵynaýdanynda 200 adam qabyldaıtyn otbasylyq-dárigerlik ambýlatorıanyń qurylysy aıaqtalady. Osy jyldyń tamyz aıynda emhanalardyń eki ǵımaratyn kúrdeli jóndeýge JSQ ázirleý qolǵa alyndy. Qurylys-montaj jumystary 2023 jyly bastalady.
Aýdanda "Kemel", "Aınabulaq" jáne "Qulager" shaǵynaýdandarynda úsh dene shynyqtyrý-saýyqtyrý kesheniniń qurylysy aıaqtaldy. Qazan aıynda tegin úıirmeler men seksıalarǵa balalardy qabyldaý bastalady. Keshenderge kún saıyn 700-ge jýyq bala bara alady.
Sondaı-aq, qala ákimi aýdannyń qaýipsizdigin qamtamasyz etý jáne abattandyrý boıynsha júrgizilip jatqan jumystar týraly aıtyp berdi. Qyrkúıek aıynda 597 beınebaqylaý kamerasyn ornatý jumystary bastalady. Negizinen baqylaý kameralary blim berý obektileriniń janynda, saıabaqtar, skverler aýmaqtarynda, aýlalar men jol qıylystarynda ornatylady.
«Halyqtyń búdjetke qatysýy» baǵdarlamasy aıasynda 8 joba júzege asyryldy, 3 aýla alańyna, 2 skverge jóndeý júrgizildi, "Qulager" shaǵynaýdanyndaǵy Arbat alańy balalardyń oıyn keshenderimen toltyryldy, Velıkolýkskaıa kóshesi men Rysqulov dańǵyly – Krylov kóshesiniń buryshyna 2 jańa jaıaý júrginshiler aımaǵy jasaldy. Taǵy 13 joba qazan aıynyń sońyna deıin aıaqtalady. "Qulager" shaǵynaýdanynda uzyndyǵy 1 km bolatyn 2 jańa jaǵalaý, uzyndyǵy 40 m jáne bıiktigi 4 m bolatyn barlyq maýsymdyq tóbeshik salynady. Jumysshy kentinde jańa demalys aımaǵy jáne 9 aýlada balalar úshin jańa oıyn alańdary salynady.
Qarasha aıynyń sońyna deıin aýdanda 2 jańa jastar saıabaǵy ashylady, birinshisi - Rysqulov dańǵylyndaǵy kópirdiń astynda, Súıinbaı dańǵylynyń buryshynda, ekinshisi - "Aınabulaq -1" shaǵynaýdanyndaǵy jyrada.
Almaty ákimimen kezdesý barysynda turǵyndar joldardy, káriz jáne elektr jelilerin jóndeý, abattandyrý jáne t. b. máselelerdi kóterdi.
Memleket basshysy Qasym-Jomart Toqaevtyń Jarlyǵymen bekitilgen halyqpen kezdesýlerdiń jańa formatyna sáıkes jyl sońyna deıin Erbolat Dosaev halyqpen 24 kezdesý ótkizedi – toqsanyna 8 aýdannyń turǵyndarymen bir-bir kezdesý.