Almaty qalasy Jetisý aýdanynyń ákimi Gúlnar Kókebaeva «Búdjetke qatysý» baǵdarlamasynyń oryndalýy týraly aıtty. Baǵdarlamanyń arqasynda kez kelgen aýdan turǵyny aýlany, kósheni nemese alańdy abattandyrý boıynsha óz jobasyn usyna alady. Barlyǵy 18 jobany júzege asyrýǵa 785 mln qarastyrylǵan dep habarlaıdy almaty-akshamy.kz
Gúlnar Kókebaeva Óńirlik komýnıkasıalar qyzmetiniń baspasóz konferensıasy barysynda aıtqandaı, aldyn ala árkim qalalyq ortany damytý boıynsha óz ıdeıasyn usyna alady. Negizinde aýlalardy jóndeý men qaıta jańartý boıynsha usynystar boldy.
«Aýdan turǵyndary aýmaqty abattandyrýdy qalaıdy, ony jaıaý júrýge de, kólikterdiń ótýine de yńǵaıly etip jasaǵysy keldi. «Búdjetke qatysý» aıasynda aýlany jańartýǵa múmkindik bolǵany jaqsy, sebebi turǵyndar barlyq jumystarǵa qomaqty qarajat jınaı almaıtyn edi. Árıne, jóndeýden keıin turǵyndardyń negizgi mindeti – aýlany kútý, abattandyrýdyń jyldar boıy qyzmet jasaýyn qamtamasyz etý», - deıdi Gúlnar Kókebaeva.
Jetisý aýdanynyń ákimi «Búdjetke qatysý» jobasy aıasynda Aınabulaq jáne Qulager shaǵynaýdandarynyń 101 aýlasynda aǵymdaǵy jóndeý jumystary júrgizilip jatqanyn jáne olardyń 90 paıyzǵa oryndalǵanyn habarlady. Biz qazirdiń ózinde Aınabulaq-3 shaǵynaýdanynda, Palladın, Omarov kósheleriniń, Seıfýllın, Nazarbaev dańǵyldarynyń boıynda jáne Qulager shaǵynaýdanynda alty skver saldyq. Alty zırattyń aýmaǵy da retke keltirildi, joldar asfálttaldy jáne apatty aǵashtardy kesý men sanıtarlyq kesý jumystary júrgizildi.
«Búdjetke qatysý» baǵdarlamasy aıasynda bıyl Kókjıek shaǵynaýdanynda jekpe-jek sport ortalyǵynyń qurylysy aıaqtaldy jáne Kókmaıys shaǵynaýdanyndaǵy Esentaı ózeniniń boıynda saıabaqtyń jaǵalaý aımaǵynyń qurylysy bastaldy. Jaǵalaýdyń jalpy aýdany 16 ga, onyń ishinde jasyl jelekterdiń aýdany 7000 sharshy metrden asady, al ǵımarattyń aýdany shamamen 500 sharshy metrdi quraıdy. Qurylysty 2022 jyldyń aqpanynda aıaqtaý josparlanǵan.
G. Kókebaevanyń aıtýynsha, Jetisý aýdanynda kóp qabatty úılerdiń qasbetterin aǵymdaǵy jóndeý jumystary jalǵasty. Mysaly, Qulager shaǵynaýdanynda 18 kóp qabatty úıdiń kelbeti birden ózgeredi. Al úsh úıdiń qabyrǵalaryna el Táýelsizdiginiń 30 jyldyǵy men Jetisý óńiriniń 85 jyldyǵyna arnalǵan mýraldar salyndy.
Sonymen qatar, aýdan turǵyndarynyń kóptegen ótinishteri boıynsha jeke sektorda: Lobachevskıı, Samyrsyn, Galıleı, Jıdebaı, Elaman, Rysqulov, Shelıhov, Borzov, Taımyrskıı, Mochalov kóshelerinde oıyn alańdaryn ornatý jumystary júrgizilýde. Barlyq jumystar aǵymdaǵy jyldyń tamyz aıynda aıaqtalady.