Táýlik saıyn respýblıka boıynsha orta eseppen 80-100 myń adam egiledi.
Vaksınasıadan ótken qazaqstandyqtar týraly Ortalyq komýnıkasıalar qyzmetinde ótken onlaın brıfıń barysynda Infeksıalyq aýrýlardy epıdemıologıalyq qadaǵalaý bóliminiń basshysy Roza Qojapova aıtyp berdi, dep habarlaıdy Almaty-akshamy.kz.
Mamandardyń aıtýynsha, búgingi tańda Qazaqstan Respýblıkasynda koronavırýstyq ınfeksıaǵa qarsy vaksınany 7,1 mln adam alǵan, onyń ishinde birinshi komponent – 4 601 830 adam, bul tıisti halyqtyń 46,5% - yn quraıdy. Ekinshi komponentpen 2 541 853 adam qamtylǵan. Egý pýnktterinde vaksına jetkilikti: birinshi komponenttiń shamamen 753 myńy jáne ekinshi komponenttiń 1 mln. 280 myńy bar. Táýlik saıyn respýblıka boıynsha orta eseppen 80-100 myń adam egiledi.
«Vaksınalaý - vırýstyń taralýyn azaıtýdyń jáne burynǵy ómir saltyna, jumysqa, qarym - qatynasqa, otbasylyq dástúrge jáne saıahatqa oralýdyń jalǵyz tásili», - dedi Infeksıalyq aýrýlardy epıdemıologıalyq qadaǵalaý bóliminiń basshysy Roza Qojapova.
Búgingi tańda alańdaýshylyq týdyrýy múmkin jańa shtamdardyń paıda bolýyn boldyrmaýdyń eń tıimdi sharasy vaksınasıa bolyp tabylady.
«Qazirgi ýaqytta maquldanǵan COVID-19-ǵa qarsy vaksınalary vırýstyń jańa nusqalarynan kem degende birshama qorǵaýdy qamtamasyz etedi, óıtkeni bul vaksınalar birqatar antıdeneler men jasýshalardyń qatysýymen keń ımýndyq reaksıany týdyrady»,– delingen Densaýlyq saqtaý mınıstrliginiń baspasóz qyzmetiniń habarlamasynda.
Sondyqtan vırýstyń ózgerýi nemese mýtasıasy vaksınalardy tolyǵymen tıimsiz etpeýi kerek. Densaýlyq saqtaý magıstri, QR DSM «Sanıtarıalyq-epıdemıologıalyq saraptama jáne monıtorıń ǵylymı-praktıkalyq ortalyǵy» QDSUO (NSOZ) fılıalynyń dırektory orynbasarynyń mindetin atqarýshy Manar Smaǵul vırýs mýtasıasynyń sebepterin jáne odan mindetti túrde qorǵaýdy túsindirdi.
«Vırýstar, barlyq tirshilik ıeleri sıaqty, ómir boıy mýtasıaǵa ushyraıdy. Vırýstyń mýtasıasy birneshe apta nemese aılar ishinde kóptegen vırýstar men sezimtal adamdarǵa baılanysty tez júredi. Keıbir mýtasıalar vırýsty turaqsyz jáne osal etedi, al keıbir mýtasıalar vırýstyń juqpaly bolýyn, ólimdi arttyrady, aýrýdyń aýyr aǵymyn týdyrady. Mýtasıa vırýsty ólimge ákeletin, juqpaly bolǵan kezde alańdaýshylyq týyndaıdy. Qoldanystaǵy vaksınalardyń, emdeýdiń jáne basqa da aldyn alý sharalarynyń tıimdiligin tómendetetin mýtasıanyń aldyn alý úshin vırýstyń taralýyn toqtatý úshin qoldan kelgenniń bárin jasaýymyz kerek. Vırýstyń taralýyn tómendetýdiń tıimdi sharasy – vaksınalaý», - dep atap ótti sarapshy.
Qazaqstanda búgingi tańda negizinen COVID-19-ǵa qarsy 2 vaksına - Spýtnık V nemese Gam-Kovıd-Vak, QazVac paıdalanylady, birqatar óńirlerde az mólsherde Hayat-Vax SARS-CoV-2 jáne CoronaVac bar.