Koronavırýstyń delta shtamynyń ósýi barlyq aımaqta tirkelgen.
Qazaqstannyń Premer-mınıstri Asqar Mamın Qazaqstan aýmaǵynda koronavırýs ınfeksıanyń taralýyna jol bermeý jónindegi vedomstvoaralyq komısıanyń (VAK) otyrysyn ótkizdi, dep habarlaıdy Almaty-akshamy.kz Primeminister.kz saıtyna silteme jasap.
Eldegi sanıtarlyq-epıdemıologıalyq jaǵdaı týraly densaýlyq saqtaý mınıstri Alekseı Soı, óńirlerdegi ahýal týraly Nur-Sultan qalasynyń ákimi Altaı Kólginov, Qaraǵandy oblysynyń ákimi Jeńis Qasymbek, Atyraý oblysynyń ákimi Mahambet Dosmuhambetov, sondaı-aq Shymkent qalasy ákiminiń birinshi orynbasary Shyńǵys Muqan baıandady.
Qazaqstandaǵy sanıtarlyq-epıdemıologıalyq jaǵdaı kúrdeli. COVID-19-ben syrqattanýshylar sany artýda. Koronavırýstyń delta shtamynyń ósýi barlyq aımaqta tirkelgen. Vırýstyń reprodýktıvtik ındeksi – 1,2, ınfeksıalyq tósek-oryn júktemesi – 43%, reanımasıalyq tósek-oryn – 35%.
Koronavırýstyń taralý qarqyny boıynsha 12 óńir «qyzyl aımaqta» tur: Nur-Sultan, Almaty jáne Shymkent qalalary, Aqmola, Aqtóbe, Atyraý, Batys Qazaqstan, Qaraǵandy, Qostanaı, Mańǵystaý, Pavlodar jáne Soltústik Qazaqstan oblystary.
«Sary aımaqta» Almaty, Jambyl jáne Qyzylorda oblystary, «jasyl aımaqta» – Shyǵys Qazaqstan jáne Túrkistan oblystary tur.
Búgingi tańda 4,6 mln-nan astam adam nemese vaksına alýǵa jatatyn adamdardyń 46,5%-y birinshi komponentti, 2,5 mln-nan astam adam ekinshi komponentti aldy. Halyqty vaksınamen qamtýdyń eń tómen kórsetkishi Mańǵystaý oblysynda – 23,6%, Batys Qazaqstan jáne Aqtóbe oblystarynda 39%-dan baıqalady.
VAK el boıynsha syrqattanýshylyq pen ólim-jitimniń 55%-yn quraıtyn Nur-Sultan jáne Shymkent qalalarynda, Qaraǵandy jáne Atyraý oblystarynda karantındik sharalardy qatańdatý týraly sheshim qabyldady:
- Ashyq-qa qatysatyn obektilerdi qospaǵanda, qalaaralyq, oblysishilik, qalalyq turaqty jáne turaqty emes (týrısik) avtobýs jáne mıkroavtobýs tasymaldary ýaqytsha toqtatylady. Jabyq jaǵajaılar men akvaparktardyń, atraksıondardyń qyzmeti toqtatylady.
- Demalys kúnderi Ashyq-qa qatysatynyna qaramastan, qoǵamdyq kóliktiń, SOSO-nyń, saýda úıleriniń, saýda jelileriniń, sport obektileriniń (sport keshenderiniń, sport mektepteriniń, sport klýbtarynyń, jattyǵý zaldarynyń), qoǵamdyq tamaqtaný obektileriniń, fýdkorttardyń (tamaq jetkizýmen jumys isteýge ruqsat etiledi), fıtnes-ortalyqtardyń, fıtnes-klýbtardyń, ıoga-ortalyqtardyń, sporttyq-saýyqtyrý nysandarynyń, saýnalardyń, monshalardyń, SPA-ortalyqtardyń, baseınderdiń, kınoteatrlardyń, teatrlardyń, konsert zaldarynyń, fılarmonıalardyń, sırkterdiń, alańy 1000 m² asatyn azyq-túlik emes taýarlardy satatyn obektilerdiń, ashyq jáne jabyq bazarlardyń, kompúterlik klýbtardyń, boýlıńterdiń, bılárdtyń, karaokeniń, túngi klýbtardyń, bilim berý ortalyqtarynyń, balalar men eresekterge arnalǵan úıirmelerdiń, balalardy damytý ortalyqtarynyń, balalardyń oıyn-saýyq ortalyqtarynyń, bankterdiń, HQKO-lardyń, Qazposhta bólimsheleriniń, dinı nysandardyń jumysyna tyıym salynady.
- Jumys kúnderi saǵat 17:00-ge deıin balalar oıyn-saýyq ortalyqtarynyń (oıyn alańdary, jabyq ǵımarattardaǵy atraksıondar), SOSO, saýda úıleriniń, saýda jelileriniń, ashyq jáne jabyq bazarlardyń qyzmeti shektelgen.
- Jumys kúnderi saǵat 17:00-ge deıin («Ashyq» qatysýshylary – saǵat 20:00-ge deıin) qoǵamdyq tamaqtaný obektileriniń, fýdkorttardyń, fıtnes-ortalyqtardyń, fıtnes-klýbtardyń, ıoga-ortalyqtardyń, sporttyq-saýyqtyrý obektileriniń, saýnalardyń, SPA-ortalyqtarynyń, sport obektileriniń, baseınderdiń, kınoteatrlardyń qyzmeti shekteledi.
- Vaksına alǵan jáne sońǵy 3 aı ishinde koronavırýstan jazylyp shyqqan adamdardy qospaǵanda, barlyq uıymdardyń 80% qyzmetkeri úshin qashyqtan jumys isteý formaty engiziledi.
Úkimet basshysy óńirlerdiń ákimdikterine, ortalyq memlekettik organdarǵa densaýlyq saqtaý júıesiniń resýrstaryn jumyldyrý, onyń ishinde rezervtik tósek-oryndardy, dári-dármekterdi, jeke qorǵanysh quraldaryn, medısınalyq jabdyqtar men kadrlardy qamtamasyz etý boıynsha barlyq sharalardy qabyldaýdy tapsyrdy. Alǵashqy medısınalyq-sanıtarlyq kómek jumysyna erekshe nazar aýdarý kerek.
Premer-Mınıstr óńirlerdiń ákimdikterine, ásirese, Mańǵystaý, Batys Qazaqstan jáne Aqtóbe oblystarynda vaksınalaý qarqynyn kúsheıtýdi tapsyrdy.
