Almatyda Qalqaman sh/a jóndeýden ótken jerasty ótkeline jaryq júrgizilip, beınekameralar ornatyldy, dep habarlaıdy Almaty-akshamy.kz
Naýryzbaı aýdanyndaǵy jerasty ótkelindegi pannoda Qalqaman batyr beınelengen
Almaty ákimi Erbolat Dosaev Naýryzbaı aýdanyn jumys saparymen aralaý jáne turǵyndarmen kezdesý barysynda 7-shi «Qalqaman» qalalyq aýrýhanasynyń janyndaǵy jańǵyrtylǵan jerasty ótkelin kórdi. Joba «Halyq qatysatyn búdjet» baǵdarlamasy aıasynda júzege asyryldy.
Bıyl qyrkúıek aıynda bastalǵan jóndeý jumystary kezinde keramogranıtti plıtalar, jaryq jelileri men sándik panelder, elektr kabelderi ornatyldy.
Qala basshysy buǵan deıin Almatynyń jerasty ótkelderine jaryq júrgizip, qaýipsiz etý mindetin qoıǵan bolatyn. Qalqaman shaǵyn aýdanyndaǵy jerasty ótkelinde jaryqtandyrý ornatylyp, polısıa beketimen baılanysy bar beınebaqylaý kameralary aýystyryldy. Bul metrodaǵy stıhıalyq saýdanyń aldyn alyp, vandalızmnen kúresýge kómektesedi.
Naýryzbaı aýdanynyń ákimi Názıra Toǵyzbaeva Erbolat Dosaevqa búginde qalalyq aýrýhananyń janyndaǵy jerasty ótkeli boıynsha jumystar aıaqtalǵanyn baıandady. Qazir onda táýlik boıy áýen oınaıdy.
Sýretshiler odaǵy tapsyryspen jasaǵan qazaq halqyn jońǵar shapqynshylyǵynan qorǵaýshy Qalqaman batyr beınelengen panno jańǵyrtylǵan nysannyń bezendirilýi bolyp tabylady. Bul panelde áskerı qarý-jaraqtyń, qalqannyń, jebeniń jáne at ábzelderiniń beınesi qoldanylǵan. Art-nysanda QR-kod bar, ol boıynsha Naýryzbaı aýdany (alań, áleýmettik nysandar, aýdan ákimdiginiń baılanys derekteri) týraly aqparatty bilýge bolady.
Aıta keteıik, bul jerasty ótkelderin 10 myńǵa jýyq adam paıdalanady. Naýryzbaı aýdanynda barlyǵy 3 jerasty jaıaý júrginshiler ótkeli bar:
1. Raıymbek dańǵylynyń boıynda № 7 QKA aldynda (Ortalyq);
2. Raıymbek dańǵylynyń boıynda Jibek joly bazarynyń aldynda (Áshimov kóshesiniń shyǵysynda);
3. Raıymbek dańǵylynyń boıynda, Suranshy batyr kóshesiniń qıylysy (Áshimov kóshesiniń batysynda).
Almatyda 2023 jyly barlyǵy 42 jerasty jáne 49 jerústi jaıaý júrginshiler ótkelinde jóndeý jumystary júrgizildi. Árqaısysynda jaryqtandyrý men beınebaqylaý júrgiziledi jáne jaıly júrip-turý úshin, onyń ishinde qozǵalýy qıyn toptar úshin ınfraqurylym qurylady.