Erbolat Dosaev Almatydaǵy Qalqaman shaǵyn aýdanyndaǵy № 7 qalalyq klınıkalyq aýrýhananyń janyndaǵy emhanaǵa kúrdeli jóndeý júrgizýdi tapsyrdy, dep habarlaıdy Almaty-akshamy.kz
Naýryzbaı aýdanyna jumys sapary barysynda Almaty ákimi Erbolat Dosaev № 7 qalalyq klınıkalyq aýrýhana janyndaǵy emhana ǵımaratyn aralap, ǵımarattyń aǵymdaǵy jaı-kúıin jáne medısınalyq ınfraqurylymdy qarap shyqty. 2018 jyly № 35 qalalyq emhana qaıta qurylyp, №7 qalalyq klınıkalyq aýrýhanaǵa qosylǵan bolatyn.
№7 qalalyq klınıkalyq aýrýhananyń dırektory Manas Ramazanov qala basshysyna № 7 MKB tek Almatyda ǵana emes, respýblıkada da iri medısınalyq mekeme bolyp tabylatynyn baıandady. Munda táýlik boıy stasıonarda 800-ge jýyq pasıent em alady, 20-dan astam medısınalyq beıin boıynsha kómek kórsetiledi. Neırohırýrgıalyq kómek boıynsha medısınalyq mekeme qalanyń 4 aýdanyna kómek kórsetedi, qalanyń ınsýlt tósekteriniń jartysy nemese 70-ten astam tósek osy mekemeniń eki ınsýlt bólimshesinde ornalasqan. №7 MKB janyndaǵy emhanaǵa irgeles aýdandardyń 31 myńnan astam turǵyny tirkelgen. Qazirgi ýaqytta ambýlatorıalyq-emhanalyq qyzmettiń josparly qýaty bir aýysymda 200 kelýshini quraıdy. Klınıkada 2 myńnan astam qyzmetker jumys isteıdi.
Qala ákimine medısınalyq mekeme ǵımarattaryn aralaý barysynda aǵymdaǵy jyldyń naýryz aıynda ótkizilgen qurylys konstrýksıalaryn tehnıkalyq tekserý qorytyndylary usynyldy. Qoıma bólmeleri ornalasqan emhananyń jertóle qabatynda eni 2-3 sm bolatyn barlyq qabyrǵalarda kóldeneń jaryqtar bar, olardyń ishinde de, syrtynda da – birinshi jáne ekinshi qabattar arasynda. Ǵımarattyń buryshtyq bóligi shógindi berdi, qurylymnyń tutastyǵy buzyldy, bul qyzmetkerler men kelýshilerge qaýip tóndiredi. Qazirgi ýaqytta emhana ǵımaraty "apatty" dep baǵalandy.
№7 MKB janyndaǵy emhanany tekserý qorytyndysy boıynsha Almaty ákimi Erbolat Dosaev qoǵamdyq densaýlyq saqtaý basqarmasyna medısınalyq ınfraqurylymdy odan ári jańartý jóninde birqatar naqty tapsyrmalar berdi. Qurylys basqarmasyna emhanany kúrdeli jóndeý, rekonstrýksıalaý, modernızasıalaý jáne klınıka stasıonaryn zamanaýı medısınalyq jabdyqtarmen qosymsha jaraqtandyrý jáne ınovasıalyq tehnologıalardy engizý boıynsha jobalaý-smetalyq qujattamany ázirleý tapsyryldy. Bul jumystar halyqqa zamanaýı sapaly medısınalyq kómek kórsetýge múmkindik beredi.
Medısınalyq uıym ǵımaratyn kúrdeli jóndeý jobasy jáne iske asyrýdy bastaý 2024 jylǵa josparlanǵan. Aıta keterligi, qurylys-montaj jumystary kezinde klınıkanyń qyzmetin jalǵastyra beredi, ıaǵnı pasıentterge medısınalyq kómek tolyq kólemde kórsetiletin bolady. Jalpy modernızasıalaý halyqqa zamanaýı sapaly medısınalyq kómek kórsetýdiń kólemin ulǵaıtýǵa múmkindik beredi.