2022 jyldyń 1 naýryzynan bastap egov.kz elektrondyq úkimet portalynda jeke turǵyn úı qurylysyna jer ýchaskesin alý úshin kezekke qoıý qyzmeti iske qosyldy. Osynyń arqasynda qazaqstandyqtar kezekke turyp, onyń qozǵalysyn onlaın rejımde baqylaı alady, dep habarlaıdy Almaty-akshamy.kz QazAqparatqa silteme jasap.
«Memlekettik jer kadastry» avtomattandyrylǵan aqparattyq júıesinde kezekte turǵandar tizilimi servısi alynǵan ózekti derekterdi eskere otyryp, jetildirilgen «jyljymaıtyn múliktiń biryńǵaı memlekettik kadastry» jańa júıesine kóshirildi.
Ashyq jáne biryńǵaı formatta tizilimdi qurýdyń maqsaty bıznes-prosesterin avtomattandyrý esebinen kórsetiletin qyzmetti alýshylardyń kezekke qoıý, ótinishter berý, nátıjeler alý jáne óz kezegin onlaın qadaǵalaý prosesterdiń ashyqtyǵyn qamtamasyz etý bolyp tabylady.
Nátıjesinde halyqtyń kezektiń júrýi týraly aqparatqa, onyń ashyqtyǵy jáne jer ýchaskelerin berý jóninde qabyldanǵan sheshimderden habardar bolmaýy máseleleri sheshiledi.
Júıe engizilgenge deıin JTQ úshin jer ýchaskesin alý úshin kezekke turý úshin qazaqstandyqtar jergilikti atqarýshy organdarǵa júgindi.
Bul rette jerdi tek óz óńirinen ǵana tańdaı alatyn, al kezekte turǵandardyń tizimi ákimdikterde saqtalǵan.
Endi kezek elektrondy, ashyq jáne barlyǵyna qol jetimdi bolady. Qazaqstandyqtar jer telimine úmitker bola alady, óz kezeginiń qozǵalysyn baqylaı alady jáne tirkelgen jerine qaramastan kez kelgen óńirdi tańdaı alady.
Qyzmetti egov.kz portalyna kirý arqyly paıdalanýǵa bolady.
«Jyljymaıtyn múlik» bólimine kirip, «Jer qatynastary» bólimin tańdap, onyń ishinde «Jeke turǵyn úı qurylysyna jer ýchaskesin alý úshin kezekke qoıý nemese qaraý» (10 sotyq jer) qyzmetin tańdaý qajet.
Nátıjesinde kezekke qoıý týraly kýálik nemese dáleldi bas tartý beriledi.
«Jyljymaıtyn múliktiń biryńǵaı memlekettik kadastryn» QR Aýyl sharýashylyǵy mınıstrligi, Sıfrlyq damý, ınovasıalar jáne aeroǵarysh ónerkásibi mınıstrligi, «Azamattarǵa arnalǵan úkimet «memlekettik korporasıasy» AQ jáne ákimdikterdiń aqparattyq júıelerin ıntegrasıalaý nátıjesinde qurý múmkin boldy.