Jansaı el chempıonatyn qorytyndylady
Ulttyq Olımpıada komıteti dereginshe, Dzúdodan Oralda ótken Qazaqstan chempıonatynda Jansaı Smaǵulov 73 kelige deıingi salmaqta jeńiske jetti.
Jarys sońynda saıtyna suhbat bergen sportshy, birinshiliktegi básekelestiktiń joǵary bolǵanyn aıtty.
«Bul chempıonat basqalarǵa qaraǵanda qıyndaý boldy. İzimizdi basyp kele jatqan jastar baryna kózim jetti. Ásirese, jartylaı fınalda qıyndaý boldy.
Negizi, chempıonattyń fınalynda 66 keliden aýysqan Erlan Serikjanovpen nemese álem chempıonatyna qatysqan Ańsarbek Ǵaınýllınmen kezdesemin dep oılaǵanmyn. Biraq byltyr el chempıony atanǵan jas balýanmen kezdestim.
Bul salmaqtaǵy básekelestik artyp keledi, jastardyń kóbeıgeni qýantady. Qatty qýanyshtymyn. Olımpıadadan keıin babymda boldym, salmaǵym da asa kóp emes. Tez qalypqa keldim. Endi bapkerlermen aqyldasyp, jańa jyldan keıingi josparlarǵa kirisemiz», - dedi Smaǵulov.