Nesıe rásimdeýde ózgeris bolýy múmkin
Eýrazıalyq ekonomıkalyq odaq elderinde nesıe rásimdeý qazaqstandyqtar úshin tıimdi bolýy múmkin, dep habarlaıdy Almaty-akshamy.kz 24.kz-ke silteme jasap
Óıtkeni ondaǵy prosenttik mólsherleme tómen. Ekonomıs Maqsat Halyq osyndaı pikirde. Degenmen sarapshy odaq elderi jasaǵan kelisimniń óz qaýip-qateri bar ekenin de eskertti.
Ótken aptada EAEO elderi kredıttik tarıh búrosynan derekter almasýǵa ýaǵdalasty. Tipti málimettermen almasý tártibi belgilendi.
Bul elderdiń azamattary men kompanıalaryna Eýrazıalyq «bestik» aýmaǵynda nesıe alýǵa múmkindik beredi. Atalmysh shara negizinen bıznes úshin tıimdi, - deıdi mamandar.
Kelisimniń oryndalýyn Reseı men Armenıanyń ortalyq bankteri, Belarýs pen Qyrǵyzstannyń ulttyq bankteri, Qazaqstannyń Qarjy naryǵyn retteý jáne damytý agenttigi qadaǵalaıdy.
«Qazaqstan azamattaryna Reseı bankterinde nesıe rásimdeý áldeqaıda tıimdi bolýy múmkin. Óıtkeni onda prosenttik mólsherleme tómen. Reseıdiń Ortalyq banki qoıatyn bazalyq mólsherleme de tómen. Byltyr eldiń ortalyq banki mólsherlemeni 4,25%-ke deıin túsirdi. Al Qazaqstan áli 9%-ten tómendetken joq. Sondyqtan bıznes úshin de, halyq úshin de Reseı bankterinen nesıe rásimdeý tıimdi bolyp qalady. Aqıqaty osy. Biraq qaýip jaǵyn da aıtyp ótý kerek. Bul bizdiń qarjylyq júıege zıan keltirýi múmkin», - dedi ekonomıs Maqsat Halyq.