Tipti elordanyń ózinde qurylys salýshylardyń tórtten úshiniń satylymǵa shyǵaratyn turǵyn úı kesheniniń sany úshten aspaıdy.
Elimizde jumys istep turǵan qurylys uıymdarynyń 99%-y shaǵyn kásiporyndar, dep habarlaıdy Almaty-akshamy.kz Finprom.kz saıtyna silteme jasap.
Turǵyn úı qurylysy naryǵy birneshe jyldan beri qarqyndy ósip keledi. 2021 jyldyń on aıynyń qorytyndysy boıynsha turǵyn úı qurylysyna 1,9 trln teńge ınvestısıa tartylǵan, bul 2020 jylǵy qańtar-qazanmen kezeńimen salystyrǵanda 24,4%-ǵa artyq. Bıylǵy jyly barlyǵy 11,6 mln sharshy metr paıdalanýǵa berildi, bul – ótken jylmen salystyrǵanda 7,9%-ǵa artyq.
Eske sala ketsek: bıyl el azamattaryna baspana satyp alý úshin jınaqtaǵan zeınetaqy qarajatynyń bir bóligin alýǵa múmkindik berildi. Sonymen qatar, dúnıe júzinde qurylys materıaldary baǵasynyń qymbattaýyna baılanysty baspana qunynyń da ósýi baıqalady.
Qazirdiń ózinde jańa (áli belsendi emes) qurylys kompanıalary sanynyń aı saıynǵy serpindi ósimi baıqalady. Máselen, jyl basynan beri olardyń sany 50,8%-ǵa nemese 2,3 myńǵa artyp, qazan aıynyń sońyna qaraı 6,7 myń kásiporyn boldy. Iaǵnı, elimizdiń turǵyn úı qurylysynyda jańa kompanıalardyń sany artyp keledi, biraq olardyń qanshalyqty senimdi ekeni belgisiz.
Sonymen qatar, jumystyń ózindik qunynyń orasan joǵarylaýymen baılanysty qazirgi jaǵdaıda kóptegen jumys istep turǵan kompanıalar olardyń senimdiligine kúmán keltiretindeı qıyndyqtarǵa tap boldy. Qazaqstan Respýblıkasy Ulttyq Bankiniń naryqtyq saýalnamasyna sáıkes, 2021 jyldyń úshinshi toqsanynda saýalnamaǵa qatysqan qurylys kompanıalarynyń 20%-y ǵana ózderiniń jaǵdaıyn turaqty dep baǵalanǵan. Al, kompanıalardyń 36,2 paıyzy aýyr jaǵdaıda.
Nur-Sultan qalasy boıynsha alynǵan mysal: Korter portalynyń málimetinshe, elordada 87 qurylys kompanıasy jumys isteıdi, al olardyń kópshiliginde bir-eki ǵana nysan satylýda. 74% -da nemese 64 qurylys salýshynyń satylymynda úsh turǵyn úı kesheninen artyq nysan joq. Bir ǵana turǵyn úı keshenin satatyn da kompanıalar bar. Bul jerde salynǵan turǵyn úı keshenderiniń sany kompanıalar qyzmetiniń kólemi men aýqymy týraly habar beredi.
Jalpy, Qazaqstan Respýblıkasynda jumys istep turǵan qurylys uıymdarynyń 99%-y shaǵyn kásiporyndar, al sáıkesinshe 0,7% jáne 0,3%-y ǵana orta jáne iri kásiporyndar bolyp tabylady.