«Jeńildetilgen lızıń» baǵdarlamasyna 100 mlrd teńge bólindi.
«QazAgroQarjy» kompanıasy 5% mólsherlememen otandyq aýyl sharýashylyǵy tehnıkasyn satyp alýǵa arnalǵan «Jeńildikti lızıń» baǵdarlamasyna ótinimderdi qabyldaý bastaldy, dep habarlaıdy almaty-akshamy.kz.
Memleket «Jeńildetilgen lızıń» baǵdarlamasyn júzege asyrýǵa 100 mlrd teńge bóldi. Aýyl sharýashylyǵy mınıstrliginiń baspasóz qyzmetiniń habarlaýynsha, baǵdarlama otandyq óndirilgen nemese qurastyrylǵan aýyl sharýashylyǵy tehnıkasyn satyp alýdy qarjylandyrýǵa baǵyttalǵan. Baǵdarlamanyń negizgi sharttaryna mynalar jatady:
jyldyq mólsherleme 5%,
lızıń merzimi 7 jylǵa deıin,
syıaqy mólsherlemesi jyldyq 5%,
lızıńtik aktıvti alǵannan keıin, biraq 2024 jyldyń 1 jeltoqsanynan keshiktirmeı tólenýi múmkin 10% kem emes bastapqy lızıńtik tólem.
Baǵdarlamaǵa qatysýǵa ótinimderdi qabyldaý 17 maýsymda saǵat 14:00-de bastaldy. Ol úshin «QazAgroQarjy» Telegram botyndaǵy elektrondy kezekke turý qajet.
Klıent ótinishti Telegram boty arqyly bergen kúnnen bastap 5 jumys kúni ishinde oblystaǵy «QazAgroQarjy» fılıalyna qujattardyń tolyq paketin tapsyrýy tıis. Fılıaldardyń baılanys derekteri kompanıanyń www.kaf.kz resmı saıtynda kórsetilgen.