Keshe áleýmettik jelilerde áıelin súırep soqqyǵa jyqqan er adamnyń vıdeosy taraǵan bolatyn.
Jýrnalıs Mıhaıl Kozachkov beınejazbadaǵy er adamnyń Arman Shoraev ekenin aıtqan, dep habarlaıdy Almaty-akshamy.kz
«Birge turatyn áıeline qol kóterip, dene jaraqatyn salý faktisi boıynsha A.Sh. esimdi azamatqa qatysty sotqa deıingi tergeý bastaldy. Qajetti ekspertızalar taǵaıyndaldy», - degen Astana qalalyq Polısıa departamenti oqıǵaǵa qatysty pikir bildirip.
Shoraevtyń ózi Facebook jelisinde «óziniń jasandy ıntellekttiń qurbany bolǵanyn jáne jýrnalıske qarsy aryz túsiretinin» habarlaǵan jazba jarıalady.
«Áıel zatyna qashan qol kótergenimdi esimde túsirdim. 4-synyp oqıtyn edim, synyptasym Sveta Býtorına ákemniń joǵyn betime basty, bir jyl buryn ákemnen aıyrylǵandyqtan onyń sózi janyma batyp ketti», - dep jazdy Arman Shoraev FB paraqshasyna.