Elordada turǵynǵa jeńildetilgen nesıemen kólik alyp beremin dep aldaǵan azamat anyqtaldy, – dep habarlaıdy almaty-akshamy.kz Polisia.kz. silteme jasap.
33 jastaǵy elordalyq azamat turǵynǵa 1 mıllıon teńge kóleminde aqshany ıemdenip, jeńildetilgen baǵdarlama boıynsha nesıege jańa kólik alýǵa kómektesemin dep ýáde bergen.
Er adam alty aı boıy turǵyndy sendirip kelgen. Arada biraz ýaqyt ótken soń jábirlenýshi óziniń aldanǵanyn túsinip, polısıaǵa habarlasty.
Jedel-izdestirý is-sharalary barysynda Esil aýdandyq krımınaldyq polısıa basqarmasynyń qyzmetkerleri qylmysqa qatysy bar azamatty anyqtady.
Atalǵan fakti boıynsha QR QK-niń 190-baby (Alaıaqtyq) boıynsha sotqa deıingi tergeý amaldary júrgizilip jatyr.
Qazirgi ýaqytta onyń elordada jasalǵan osyǵan uqsas basqa da qylmysqa qatysy bar-joǵy anyqtalyp jatyr.